ᐃᒃᐱᒍᓱᒃᐳᖓ ᐱᒃᑯᓇᖅᑐᒥ ᐊᒻᒪᓗ ᖁᔭᓕᑦᑎᐊᖅᖢᖓ ᐃᓕᓴᕆᔭᐅᒐᒪ

‘ᐃᒃᐱᒍᓱᒃᐳᖓ ᐱᒃᑯᓇᖅᑐᒥ ᐊᒻᒪᓗ ᖁᔭᓕᑦᑎᐊᖅᖢᖓ ᐃᓕᓴᕆᔭᐅᒐᒪ’ Published 10:45 am Monday, December 1, 2025 ᐊᕐᕕᐊᓂᕐᒥᐅᑕᖅ ᔭᓐ ᒪᐃᓐ 7−ᒋᔭᐅᓪᓗᓂ ᓯᕗᓕᐅᖅᑎᖑᓚᐅᖅᑐᖅ ᓄᓇᕗᒻᒧ ᐊᒻᒪᓗ ᐃᓅᖏᖢᓂ ᐃᓂᑖᖅᑐᖅ ᓂᕈᐊᖅᑕᐅᑎᓪᓗᒍ ᓄᕕᐱᕆ 18 ᐃᖃᓗᖕᓂ. ᐱᖓᔪᒋᓪᓗᓂᐅᒃ−ᑭᓖᖅᓱᖅᑐ ᑲᑎᒪᔨ, ᐅᖃᕈᓐᓇᑦᑎᐊᖅᑐᖅ ᐃᓄᒃᑎᑐᑦ, ᓵᓚᖃᓚᐅᖅᑐᖅ ᑕᐃᕕᑎ ᐊᕿᐊᕈᕐᒥ ᓂᕈᐊᖅᖢᑎ ᐅᓄᕐᓂᖅᐹᓂ ᓂᕈᐊᖅᑕᐅᔪᖅ ᓵᓚᖃᕐᓗᓂ. ᒪᐃᓐ, 45, ᐅᖃᓚᐅᖅᑐᖅ ᑭᕙᓪᓕᖅ ᐱᕙᓪᓕᐊᔪᐊᓄ ᐱᔪᒃᓯᒻᒪᕆᓕᓚᐅᕋᒥ ᐃᓂᑖᕆᓗᓂᐅᒃ ᐅᓄᖅᑐᓂ ᐱᓇᒧᖁᔭᐅᕌᓪᓚᓚᐅᖅᑎᓪᓗᒍ ᓂᕈᐊᕐᓇᐅᓵᕋᓂᒃᑐᒥ. ᐅᖃᕆᓪᓗᓂ, ᐅᖃᐅᔾᔭᐅᕈᓘᔭᓚᐅᕋᒥ ᐱᓇᔪᖁᔭᐅᓪᓗᓂ ᓂᕈᐊᕐᓇᒥ. “ᐅᓄᖅᑐᑦ, (ᐃᓇᔪᖁᔨᔪ) ᖃᐃᓚᐅᖅᑐ ᓂᕈᐊᕐᓇᐅᕌᓪᓚᓚᐅᖅᑎᓪᓗᒍ ᐊᒻᒪᓗ ᖃᐅᔨᒪᓇᖅᓯᑎᓪᓗᒍ ᑭᓇ ᑲᑎᒪᕕᖕᒧ ᐅᑎᕐᓂᐊᕐᒪᖔᑦ,” ᐅᖃᖅᐳᖅ ᒪᐃᓐ. “ᐃᑲᔪᖅᓱᖅᑕᐅᑦᑎᐊᓚᐅᖅᑐᖓ ᐅᓄᖅᑐᓂᒃ, ᐃᒃᐱᒋᓕᓚᐅᖅᑕᕋ ᐆᒃᑐᓪᓗᐊᕐᓂᓐᓂ. ᐱᒋᐊᑐᐃᓐᓇᖅᐸᖏᓇᕕ ᑕᐃᒪᓐᓇᕈᔪᒃ. ᐅᖃᐅᔾᔭᐅᑲᑕᓚᐅᕋᒪ ᐃᓱᒪᓪᓗᑎᒃ ᐱᒋᐊᕈᓐᓇᖅᓯᓂᓐᓂ. ᑕᑯᓚᐅᖅᑐ ᖃᓄᐃᓕᐅᕈᓐᓇᕐᒪᖔᕐᒪ, ᐱᓪᓗᒍ ᑕᒡᕙᐅᕗᖓ. “ᐱᒃᑯᓇᑦᑎᐊᖅᑐᖅ ᖃᐅᔨᒪᔭᖃᐅᖅᖢᑎᑦ, ᑭᓇᒥ ᐱᑦᑎᐊᕐᒪᖔᖅᐱ ᐊᒻᒪᓗ ᑭᓇ ᐊᑐᖅᓯᒪᑯᖃᐅᖅᖢᑎ ᐊᒻᒪᓗ ᓯᓚᑐᔪ ᐃᓕᖕᓂ ᐱᓇᔪᖁᔨᔪᑦ. ᐱᓪᓗᒍ, ᐄ, ᐃᒃᐱᒍᓱᒃᐳᖓ ᐱᒃᑯᓇᖅᑐᒥ ᐊᒻᒪᓗ ᖁᔭᓕᑦᑎᐊᖅᖢᖓ ᐃᓕᓴᕆᔭᐅᒐᒪ. ᐅᖃᕈᓐᓇᖏᓚᕋ ᓯᕗᓂᒃᓴᕗ “ᑕᒡᕙᑐᖅ ᐅᓂᒃᑲᐅᓯᒃᓴᕗ ᒐᕙᒪᒃᑯ ᐃᓗᓕᒫᖓ ᐊᑐᖅᑕᓂ ᐱᐅᓂᐊᖅᐳᖅ ᐊᒻᒪᓗ ᐊᑲᐅᔪᒃᑯᑦ ᐊᓯᔾᔨᕐᓗᓂ ᐊᒻᒪᓗ ᓈᓚᒃᑐ ᓄᓇᕗᒻᒥᐅ ᐅᖃᐅᔾᔪᖅᑕᖏᓐᓂ. ᐅᕙᓐᓂᑐᐊ ᐱᔾᔪᑎᖃᖏᒻᒪ. ᐃᖅᑲᓇᐃᔭᖃᑎᒃᑲᓄ ᑲᑎᒪᔨ ᐊᒻᒪᓗ, ᐊᓯᖏᑦ MLA. ᑐᓴᕈᓘᔭᓚᐅᖅᑐᒍ ᓄᓇᕗᒻᒥᐅᓂ ᓂᕈᐊᕐᓇᒥ ᐊᒻᒪᓗ ᐅᖃᖅᑕᐅᔪ ᐅᕙᑦᑎᓐᓄ ᐅᖃᐅᓯᕆᓛᖅᓂᑯᒋᓪᓗᑎᒍ. “ᒫᓐᓇ ᐅᕙᒍᑦ ᓈᒪᒡᓗᑕ ᐊᒻᒪᓗ ᐅᖃᖅᑕᐅᔪ ᐱᕙᓪᓕᐊᓗᑎᒍ ᐊᒻᒪᓗ ᐱᐅᔪᒥ ᐊᓯᔾᔨᕐᓗᒍ.” ᒪᐃᓐ ᑐᓂᓯᓚᐅᖅᑐᖅ ᑲᑎᒪᔨᓄ ᐱᓕᕆᐊᒃᓴᓂ ᐊᓯᖏᓐᓄ MLA−ᓄ ᓂᕈᐊᖅᑕᐅᓚᐅᖅᑐ ᑲᑎᓴᕕᖕᒧ ᐱᓇᓱᐊᕈᓯᐅᓚᐅᖅᑐᒥ ᐊᑎᓕᐅᖅᑎᑦᑎᑎᓪᓗᒋ ᐃᖃᓗᖕᓂ ᓄᕕᐱᕆ 20. ᓯᕗᓕᐅᖅᑎᖑᓵᖅᑎᓪᓗᒍ ᐃᓚᖓ, ᒪᐃᓐ ᒥᓂᔅᑕᐅᓂᐊᕆᓪᓗᓂ ᑮᓇᐅᔭᓕᕆᔨᒃᑯᓐᓄ, ᒥᓂᔅᑕ ᓄᓇᖃᖅᑳᖅᓯᒪᔪᓄ ᑎᑎᕋᕐᕕᓕᕆᔩ ᐊᒻᒪᓗ ᒥᓂᔅᑕ ᑲᓇᑕᒥᐅᑕᐅᖏᑦᑐᓄ, ᐊᓯᒃᑲᓂᖏᓪᓗ ᐱᓕᕆᐊᒃᓴᑦ. ᒪᐃᓐ ᐅᖃᖅᖢᓂ ᐱᐅᓴᐃᓇᔭᖏᓐᓇᒥ ᐊᑲᐅᖏᓕᐅᕈᑎᓂ ᐅᖃᐅᓯᖃᖅᑐᒥ ᒐᕙᒪᒃᑯ ᐱᓕᕆᐊᒃᓴᓂ ᓄᖃᖅᑎᑕᐅᓗᓂ. ᐅᖃᖅᖢᓂ ᓇᒥᒥᐊ ᐃᓂᓕᒃ ᓄᓇᕗᑦ ᒐᕙᒪᖓᓂ ᖃᐅᔨᒪᔪᖅ ᑲᒪᒋᔭᐅᑲᐅᑦᑐᕆᐊᓕ ᐊᑲᐅᖏᓕᐅᕈᑎ ᓇᐅᒃᑯᑐᐃᓐᓇᖅ. “ᐃᒃᐱᒋᔪᖓ ᓴᙱᔪᒥ ᑲᑎᒪᔨᐅᖃᑎᖃᕐᓂᓐᓂ ᑲᔪᓯᓂᐊᖅᑐᑦ. ᐅᖃᐅᓯᕆᓚᐅᖅᑕᕋ ᑕᐃᑲᓂ ᐅᖃᓪᓚᒃᑎᓪᓗᖓ ᐅᒃᐱᕆᑦᑎᐊᕐᓂᓐᓄ ᑲᑎᒪᔨᖑᓵᖅᐸᓪᓕᐊᔪ ᓴᖏᒃᑎᑉᐸᓪᓕᐊᖏᓐᓇᕐᒪ, ᓴᖏᒃᑎᑉᐸᓪᓕᐊᖏᓐᓇᕐᒪ ᐊᒻᒪᓗ ᑕᒪᑐᒥᖓ 7-ᒋᔭᐅᓪᓗᓂ ᑲᑎᒪᔨᖑᖅᑐ, ᐃᒃᐱᒋᓪᓗᖓ ᑲᔪᓯᔪᖅ ᐃᖏᕐᕋᓂᐊ. “ᑕᑯᒋᐊᖅᖢᒋ ᑲᑎᒪᔩᑦ, ᓴᓇᖃᑎᒃᑲ, ᐊᒻᒪᓗ ᐱᒃᑯᒍᓱᒃᖢᖓ ᓴᓇᖃᑎᒋᔪᓐᓇᕋᒃᑭᑦ ᓲᖃᐃᒻᒪ ᓄᑖᖏᓐᓇᐸᓘᖕᒪᑕ ᓄᓇᕗᒻᒥ ᑲᑎᒪᔨᐅᓂᕐᒧ, ᑕᐃᒃᑯᐊᓗ ᐅᑎᖅᑐ ᓄᓇᕗᒻᒥ ᑲᑎᒪᔨᐅᑲᓐᓂᕐᓂ ᐊᒻᒪᓗ ᐊᓯᖏ ᐃᓕᓐᓂᐊᖅᓯᒪᔪᒻᒪᐅᓪᓗᑎᒃ. ᑕᐃᒪᐃᒃᑲᒥ ᑖᓐᓇ ᒐᕙᒪ ᓴᖏᔫᓂᐊᕋᒥ. “ᖃᐅᔨᒪᔪᖓ ᑖᓐᓇ ᐱᓕᕆᐊᒃᓴᐅᔪᖅ ᐅᔾᔨᖅᓱᑦᑎᐊᕆᐊᖃᕐᓇᖅᑐᖅ, ᐊᑐᓂ ᐊᑲᐅᔪᒃᑯ ᐊᑲᐅᖏᑦᑐᒃᑯᓪᓗ. ᑭᓯᐊᓂᓕ ᐃᓚᒋᑐᐃᓐᓇᖅᑖ ᐃᖅᑲᓇᐃᔮᒃᓴᐅᑉ. ᑭᓱᑐᐃᓐᓇᖅ, ᐃᓗᐃᓪᓕᖅᓯᒪᓂᕋ ᐃᒃᐱᒋᓪᓗᒍ ᐱᒃᑯᒍᓱᑐᐃᓐᓇᖅᑐᖓ ᐅᒃᐱᕆᔭᐅᓂᓐᓂ ᑕᐃᒪᓐᓇ ᐱᓕᕆᐊᒃᓴᒥ. “ᑕᒫᓃᓐᓇᔭᖏᓚᖓ ᓂᕈᐊᖅᑎᑲᓄ ᐊᒻᒪᓗ ᐃᑲᔪᖅᑐᐃᔨᒃᑲᓄ ᑲᑎᒪᕕᖕᒥ. ᐃᓕᑦᑎᕙᒃᑲᕕᑦ ᓇᒥᑐᐃᓐᓇᖅ ᐃᖅᑲᓇᐃᔮᖃᖅᖢᑎᑦ ᐊᒻᒪᓗ ᓇᓃᒥᐊᕋᓗᐊᕈᕕᑦ ᐊᒻᒪᓗ ᐃᓕᑦᑎᓯᒪᐅᕈᓘᔭᖅᖢᖓ ᐊᓂᒍᖅᑐᒥ ᐊᕐᕌᒍᑦ. ᐃᓚᖃᖅᖢᓂ hᐊᑭᒥ ᐃᓕᓴᐃᔨᐅᓂᖅ ᐃᓕᓴᒪᔭᓐᓂ ᐃᓕᓴᐃᔨᑦᑎᐊᕙᖕᒪᕆᖕᒥ ᐊᒻᒪᓗ ᑕᐃᖕᓇ ᐱᓕᒻᒪᒃᓴᖅᑕᐅᓂᕋ ᐊᑑᑎᖃᑐᐃᓐᓇᕆᐊᖃᖅᖢᓂ ᖃᖓᒥᐊᖅ (ᑎᔅᓯᑦᑕᖅᐳᖅ).” ᐊᓯᒃᑲᓂᖏ ᒪᕐᕉᒃ ᑭᕙᓪᓕᕐᒥ MLA ᐃᓚᒋᔭᐅᓂᐊᖅᑐ ᒪᐃᓐ ᑲᑎᒪᕕᐊᓂ. ᑲᖏᖅᖠᓂᖅ ᓂᒡᒋᖅ MLA ᒥᓂᔅᑕ ᐃᖅᑲᓇᐃᔭᖅᑐᓕᕆᔩ ᐊᒻᒪᓗ ᒥᓂᔅᑕ ᐃᖅᑲᓇᐃᔭᖅᑎᓄ ᐊᑦᑕᓐᓇᕐᑕᐃᓕᒪᔪᒦᑎᑦᑎᔨ ᐊᒻᒪᓗ ᓇᓪᓕᐅᒃᑯᒫᓄ ᑲᒥᓯᓇ, ᑕᐃᖕᓇ ᖃᒪᓂᑦᑐᐊ MLA ᑕᐃᕕᑎ ᓯᒥᐊᓚ ᐱᓕᕆᐊᒃᓴᖅᑖᕈᓘᔭᓚᐅᖅᑐᖅ ᐅᑯᐊ ᒥᓂᔅᑕ ᓄᓇᓕᖕᓄ ᐱᔨᑦᑎᕋᖅᑎᓕᕆᓂᖅ, ᒥᓂᔅᑕ ᐱᓕᕆᐊᒃᓴᓗ ᐅᔭᕋᒃᓯᐅᕐᓂ ᐊᒻᒪᓗ ᒥᓂᔅᑕ ᐱᓕᕆᐊᒃᓴᓕ ᐃᒡᓗᓕᐅᖅᑎᓄ. -ᕆᓕᐊ ᑯᐳᓕᓐᑭ ᕕᓕᐅᕋᐅ ᑐᓂᓇᐅᖅᑖ ᑎᑎᖅᑲᖅ