ᐅᓪᓛᕈᒻᒥᑕᖅ ᑐᓂᔭᐅᕗᖅ

ᐅᓪᓛᕈᒻᒥᑕᖅ ᑐᓂᔭᐅᕗᖅ Published 9:23 am Sunday, November 1, 2026 ᐊᑐᒐᒃᓴᖅ ᐅᓪᓛᕈᒥᑕᕐᓇᐅ ᐃᑲᔪᖅᑐᖅ ᐃᓕᓐᓂᐊᖅᑎᓂ ᑭᕙᓪᓕᖅ ᐊᒻᒪᓗ ᕿᑎᕐᒥᐅᓂ ᐱᒋᐊᕈᑎᖏ ᐃᓕᓐᓂᐊᕐᓇᐅᒥ, ᐃᓕᓐᓂᐊᕐᕕᖕᒥ ᐊᑐᖅᑕᐅᔪ ᓇᓗᓇᐃᖅᓯᓪᓗᓂ ᓄᑕᕋᐃᑦ ᐃᓕᓐᓂᐊᑦᑎᐊᕈᓐᓇᕐᓂᖅᓴᐅᖕᒪᑕ, ᐱᓕᕆᖃᑕᐅᓗᑎᒃ ᐊᒻᒪᓗ ᐃᓕᑦᑎᔪᒪᓂᖅᓴᐅᓪᓗᑎᒃ. ᐱᓕᕆᐊᒃᓴᖅ ᑐᓂᓯᔪᖅ ᖃᓄᐃᓐᓂᐊᖅᑐᒥ ᐅᓪᓛᖓᓂ ᐊᑐᖅᑕᐅᓂᐊᖅᑐᒥ ᐊᒻᒪᓗ ᐃᑲᔪᕐᓗᓂ ᓂᕿᓄ ᐊᔪᖅᓴᕐᓂᖅ ᐃᓚᒌᓄ, ᐅᖃᖅᑖᒍ ᑲᑎᖅᓱᖅᑕᐅᔪᒃᑯ ᑕᐃᒃᑯᑎᒎᓇ ᐅᓪᓛᕈᒻᒥᑕᒃᓇᐅᒥ ᑲᓇᑕᒥ ᐊᑐᖅᑐᒥ ᐱᖓᓱᓄ−ᐊᕐᕌᒍᓄ ᑕᓯᐅᖅᑎᒌᒃᑐᒃᑯ ᐊᔾᔨᑯ ᐃᑯᒃ ᐅᔭᕋᒃᓯᐅᖅᑎᒃᑯᑎᒍ. ᑕᓯᐅᖅᑎᒌ ᐃᑲᔪᖅᑐᐃᔪ ᐅᓪᓛᕈᒻᒥᑕᕐᓇᖅ ᐱᓕᕆᐊᒃᓴ 22-ᓄ ᐃᓕᓐᓂᐊᕐᕕᓄ, ᓂᕆᑎᑦᑎᓪᓗᑎᒃ ᐅᖓᑖᓄ 5,000 ᐃᓕᓐᓂᐊᖅᑎᓂ ᒪᕐᕈᐃᓕᖓᓪᓗᓂ, ᑕᐃᑲᙵ ᐱᒋᐊᖅᖢᒍ ᑕᓪᓕᒪ ᐃᓕᓐᓂᐊᕐᕕᖕᓂ ᐱᒋᐊᓵᖅᑎᓪᓗᒋ ᑕᓯᐅᕐᓂᒃᑯ 2023-ᒥ. “ᑭᓱᒥ ᓇᓂᓯᓂᖏ ᐱᓗᐊᕕᒃᑐᒥ ᑕᑯᑎᑦᑎᒐᒥ ᖃᓄᖅ ᐃᓕᓐᓂᐊᕐᕕ ᓄᓇᓕᖕᓂ ᓇᖕᒥᓂ ᐊᑐᖅᑕᒥᓂ ᖃᐅᑕᒫ,” ᐅᖃᖅᑐᖅ ᔪᓕ ᑎᐅhᐅᓂ, ᐊᖓᔪᖅᑳᖅ ᐊᒻᒪᓗ CEO ᐅᓪᓚᕈᒻᒥᑕᖅᓂᖅ ᑲᓇᑕᒥ ᐅᑐᐱᕆ 16−ᒥ ᓴᖅᑭᑕᐅᔪᖅ ᐱᕙᓪᓕᐊᔪᒧ ᐃᓕᓴᕆᓗᒍ ᓄᓇᕐᔪᐊᓕᒫᒥ ᓂᕿᑦ ᐅᓪᓗᐊ. “ᐊᓂᒍᖅᑐᒥ ᐱᖓᓱᑦ ᐊᕐᕌᒍᒥ, ᑕᑯᓯᒪᔪᒍ ᖃᓄᖅ ᓂᕿᖃᖅᑎᑦᑎᓂᖅ ᐃᑲᔫᑕᐅᔪᓐᓇᕐᒪᑦ ᐊᑐᕆᐊᓕᐊᑕ ᐃᓂᓐᓂᐊᖅᑎᐅᑉ ᐃᓕᑦᑎᓂᐊᕐᓗᓂ, ᐃᓚᐅᓂᖅ ᐊᒻᒪᓗ ᐱᓇᔪᖕᓂᖅ.” ᑲᑎᖅᓱᖅᑕᐅᔪᖅ ᑎᒥᐅᔪᒃᑯ ᑕᑯᑎᑦᑎᓪᓗᓂ ᐃᑲᔫᑎᓂ ᑲᑎᐅᒪᒐᒥ ᐅᖓᑖᓄ ᓂᕿᖃᖅᑎᑦᑎᓂᐅᑉ. ᐃᓚᐅᔪ ᐃᓕᓐᓂᐊᕐᕕ ᐅᓂᒃᑲᐅᓯᓕᐅᓚᐅᕐᒥᔪ ᑖᒃᑯᐊ ᐱᓕᕆᐊᒃᓴᓄ ᐃᑲᔫᑎ ᐊᒃᑐᐃᒐᒥ ᐊᒻᒪᓗ ᓴᖏᒃᑎᒋᐊᖅᑎᑦᑎᒐᒥ ᑲᑎᖓᓂᕐᒧ ᓄᓇᓕᖕᓂ ᐃᓕᓐᓂᐊᕐᕕᓂ. ᑯᕆᔅᑕᕗ ᐊᑕᒻᔅ, ᐊᓐᔨᑯ ᐃᑯᒃᑯ ᐊᖓᔪᖅᑳᖅ ᑐᒡᓕᐊ ᓄᓇᕗᒻᒧ, ᐅᖃᖅᖢᓂ ᓂᕿᖃᕐᓂᖅ ᐊᑐᖅᑕᐅᔭᕆᐊᖃᕋᒥ ᐃᓕᓴᕆᔭᐅᔪᖅ ᓄᓇᕗᑦ ᓄᓇᓕᑉᖕᓂ. “ᐃᓚᖓ ᐅᖃᖅᑕᐅᔪᖅ ᑐᓴᒐᔪᒃᑕᑦᑎᓐᓂ ᐃᓕᓐᓂᐊᖅᑐᑦ ᐱᔪᓐᓇᐅᑎᖃᕋᒥ ᐃᓕᑦᑎᓂᐊᕐᓗᑎ, ᐱᕈᕐᓗᑎᒃ ᐊᒻᒪᓗ ᐊᓂᒍᐃᑦᑎᐊᕐᓗᑎᒃ. ᓂᕿᖃᕐᓂᖅ ᐊᑐᕆᐊᖃᕋᒥ ᐃᓂᐅᔪᒃᑯ,” ᐊᑕᒻᔅ ᐅᖃᖅᐳᖅ. “ᒪᒃᑯᒃᑐᑦ ᐃᓅᓯᖃᑦᑎᐊᕌᖓᒥ, ᐃᓚᐅᓗᑎᒡᓗ ᐊᒻᒪᓗ ᐃᓱᒪᔪᓐᓇᑦᑎᐊᕐᓗᑎᒃ ᐃᓕᓐᓂᐊᕐᕕᐊᕈᓯᐊᓂ, ᐃᓂᖃᑦᑎᐊᕈᓐᓇᕐᓂᖅᓴᐅᔪᓐᓇᕋᒥ ᐱᐊᓂᒃᓯᓗᑎᒃ ᐃᓕᓐᓂᐊᖅᑕᒥᓂ, ᐊᑐᕈᒪᔭᒥᓂ ᓯᕗᓂᒃᓴᒥ ᐊᑐᕐᓗᑎᒃ ᐊᒻᒪᓗ ᐃᓚᐅᓗᑎ ᐊᑯᓂ ᓴᖏᓂᖅ ᓄᓇᓕᐊᓂ.” ᑐᓂᓯᓂᖅ ᐅᓪᓛᕈᒻᒥᑕᓂ ᐅᑭᐅᖅᑕᖅᑐᒥ ᐊᑐᕐᓇᕋᒥ ᐊᕕᒃᑐᖅᓯᒪᔪᒃᑯ ᐊᑭᒃᓴᓂ. ᓄᓇᓕᕋᓛᕐᒦᔾᔪᑎ, ᐅᓯᑲᖅᑕᐅᑎᓄ ᐊᒃᓱᕉᑎᑦ, ᐊᑭᑐᓗᐊᖅᑐᑦ ᐃᓅᓇᓱᐊᕐᓂᖅ ᐊᒻᒪᓗ ᑭᒡᓕᖃᕐᓂᖓ ᐱᑕᖃᕐᓗᓂ ᓂᕆᔭᒃᓴ ᐊᒻᒪᓗ ᓂᕿᑦᑎᐊᕙᖃᕐᓂᖅ ᐊᔪᕈᑕᐅᕙᒃᖢᓂ ᓂᕿᖃᕐᓂᕐᒧ, ᐅᖃᖅᑐᑦ ᐱᕙᓪᓕᐊᔪᓄ ᓴᖅᑭᑕᐅᔪᖅ. ᑐᓂᓯᓂᖅ ᐅᓪᓛᕈᒻᒥᑕᒥ ᐃᓄᐃᑦ ᓄᓇᖓᓂ ᐊᑭᓕᒃ ᐅᖓᑖᓄ $12 ᐊᑕᐅᓯᖅ ᓄᑕᕋᖅ, ᑕᐅᑐᖏᖔᖅᖢᒍ ᑕᐃᑲᓂ $2 ᑲᓇᑕᒥ. ᐊᕐᕌᒍᓄ−ᑕᓪᓕᒪᓄ, $5 ᒥᓕᐊᓐ ᐊᖏᖃᑎᒌᒍᑎ ᑕᐃᒃᑯᑎᒎᓇ ᐊᓐᔨᑯ ᐃᑯᒃᑯ, ᓯᕗᓪᓕᕐᒥ ᑕᐃᔭᐅᓚᐅᖅᓯᒪᔪᖅ ᒪᐃ 2026−ᒥ, ᑐᕌᖅᑐᖅ ᐃᖏᕐᕋᑎᑦᑎᐊᕐᓗᒍ ᐅᓪᓛᕈᒻᒥᑕᕐᓂᕐᒧ ᐱᓕᕆᐊᒃᓴᓄ ᐊᒻᒪᓗ ᐃᑲᔪᖅᑐᕐᓗᒍ ᐊᑯᓂ−ᐊᑐᖅᑐᒧ ᑐᕌᖅᑐᒧ ᐃᓕᓐᓂᐊᕐᕕᖕᒥ ᓂᕿᓄ ᐱᓕᕆᐊᒃᓴᑦ. ᐱᕙᓪᓕᐊᔾᔪᑕᐅᔪᖅ ᑲᒻᐸᓂᒧ $2.5 ᒥᓕᐊᓐᓂ ᓴᕐᕙᒃᑕᐅᔾᔪᑎᐊᓄ ᓴᖅᑭᑕᐅᓚᐅᖅᓯᒪᔪᖅ 2023-ᒥ. ᑕᓯᐅᖅᑎᒌᖕᓂᖅ ᒫᓐᓇᐅᔪᖅ ᑎᑭᐅᑎᔪᖅ ᐃᓕᓐᓂᐊᕐᕕᓕᒫᓄ ᑭᕙᓪᓕᕐᒥ ᐊᒻᒪᓗ ᕿᑎᕐᒥᐅᓂ, ᑕᐃᑲᓂ ᐅᔭᕋᒃᓯᐅᖅᑎᖃᖅᑐᓂ. “ᐊᓂᒍᐃᑦᑎᐊᕐᓂᖅ ᐊᒻᒪᓗ ᐱᕈᖅᐸᓪᓕᐊᓂᖓ ᐱᓕᕆᐊᒃᓴᐅᑉ ᐊᓂᒍᖅᑐᒥ ᐊᕐᕌᒍᑦ ᐱᖓᓱᓄ ᓴᖅᑭᑦᑎᓯᒪᔪᖅ ᑭᓱ ᐊᓂᒍᐃᑦᑎᐊᕈᓐᓇᕐᒪᖔᑦ ᑕᕝᕘᓇ ᑕᓯᐅᖅᑎᒌᖕᓂᒃᑯᑦ,” ᐊᑕᒻᔅ ᐅᖃᖅᐳᖅ. ᑭᖑᓪᓕᖅ ᑕᒪᐅᓇ ᐃᓚᖃᖅᑐᖅ ᐱᓕᕆᓗᑎᒃ ᑐᕌᖅᑐᒧ ᓄᓇᕗᒻᒥ ᐃᓕᓐᓂᐊᕐᕕᖕᒥ ᓂᕿᓄ ᐊᖅᑯᑎᒧ, ᑕᐅᑐᙳᐊᖅᑕᐅᔪᖅ ᓄᓇᕗᒻᒧ−ᑐᑭᒧᐊᖅᑕᐅᓗᓂ ᐊᑐᒐᒃᓴᖅ ᑕᓯᐅᖃᑎᒌᒡᓗᑎᒃ ᑎᒥᐅᔪᓂ, ᖃᐅᔨᓴᖅᑎᓂ ᐊᒻᒪᓗ ᑕᓯᐅᖅᑎᓂ. ᑐᒃᓯᕋᖅᑕᐅᔪᖅ ᐊᖅᑯᑖ ᓴᙱᒃᑎᒋᐊᖅᓯᓇᔭᖅᑐᖅ ᐱᓕᕆᖃᑎᒌᖕᓂᖅ, ᑕᐅᕗᖓᒃᑲᓐᓂᓗ ᐃᑲᔫᑎᑦ ᐊᒻᒪᓗ ᕿᓂᕐᓗᒍ ᓇᐅᒃᑯᒃᑲᓐᓂᖅ ᑲᑎᖃᑎᖃᕐᓂᕐᒧ ᐃᓕᓐᓂᐊᕐᕕᖕᒧ ᐱᓕᕆᐊᒃᓴᓂ ᓄᓇᓕᖕᓂ ᐊᒻᒪᓗ ᓂᕿᑦᑎᐊᕙᓄ ᐊᖅᑯᓯᐅᕐᓂᖅ. ᐱᓕᕆᐊᒃᓴ ᐃᓂᖃᕐᓗᓂ ᐱᔭᐅᔭᕆᐊᓕᒃᑯ ᐊᒻᒪᓗ ᐊᑐᕆᐊᓕᒃᑯ ᒪᓕᒃᑐᒥ ᐃᓄᐃᑦ ᓄᓇᓕᐊᓂ. “ᑎᑭᐅᑎᓕᖅᓯᓪᓗᑕ ᐃᓚᖓᓄ ᐊᑐᖅᑕᐅᓂᐊᖅᑐᒧ, ᐱᓕᕆᓂᖅᓴᐅᔪᒪᕗᒍ ᑐᓂᓯᓗᑕ ᐃᑲᔫᑎᓂ,” ᐊᑕᒻᔅ ᐅᖃᖅᐳᖅ. “ᐃᑲᔪᕈᒪᔪᒍ ᑲᑎᑎᑦᑎᓗᑕ ᐅᓪᓛᕈᒻᒥᑕᕐᓇ ᑲᓇᑕᒥ ᐱᖃᑎᖃᕐᓗᑕ ᓄᓇᓕᑦ ᑎᒥᐅᔪᒃᑯ, ᓇᖕᒥᓂᖃᖅᑐᒃᑯ ᐊᒻᒪᓗ ᓄᓇᓕᖕᓂ ᑕᓯᐅᖅᑎᒌᒃᑯ ᓄᓇᕗᓕᒫᒥ, ᑐᓂᓯᐅᔮᕐᔪᒃᑎᓪᓗᑕ ᖃᐅᔨᒪᔭᑦᑎᒍ ᐅᑭᐅᖅᑕᖅᑐᒥ ᐃᖏᕐᕋᓂᐊᑕ ᐊᒻᒪᓗ ᓇᐃᓴᐅᑎᒃᑯ ᐃᑲᔪᖅᑐᐃᓗᑕ ᓴᖏᒃᑎᒋᐊᕐᓂᖅ ᐊᒻᒪᓗ ᐊᖏᒡᓕᒋᐊᕐᓗᒍ ᐊᖅᑯᑖ ᐊᑐᖅᐸᓪᓕᐊᑎᓪᓗᒍ. ᑎᓴᐅᓂ ᐅᖃᖅᖢᓂ ᑭᖑᓪᓕᖅ ᐊᓪᓗᕆᐊᕐᓂᖅ ᑐᓂᓯᓂᐊᖅᑐᖅ ᐱᔪᓐᓇᐅᑎᒥ ᓴᓇᓗᑎ ᐱᓕᕆᐊᒃᓴᓗ ᐱᕙᒌᔭᖅᑕᐅᓯᔪᖅ. “ᑭᖑᓪᓕᖅ ᐃᓚᖓᓄᐊᓕᕈᑦᑕ ᐊᓐᔨᑯ ᐃᑯᒃᑯ, ᐱᔪᓐᓇᐅᑎᖃᖅᑐᒍ ᐊᒃᑐᐃᓂᐊᖅᑐᖅ ᐃᖏᕐᕋᓂᕐᒧᑐᐃᓐᓇᐅᖏᑦᑐᖅ, ᑭᓯᐊᓂᓕ ᓴᖏᑦᑎᒋᐊᕐᓗᒍ ᐱᓕᕆᖃᑎᒌᖕᓂᖅ ᓄᓇᕗᓕᒫᒥ ᐊᒻᒪᓗ ᐃᑲᔪᕐᓗᑕ ᐱᕙᓪᓕᐊᓂᕐᒧ ᐊᑯᓂ−ᐊᑐᖅᑐᒧ, ᓄᓇᓕ ᐃᖏᕐᕋᑎᑖᒍ ᐊᑐᕐᓗᑎᒃ ᐃᓕᓐᓂᐊᕐᕕᖕᒧ ᓂᕿᓄ ᐱᓕᕆᐊᒃᓴᕐᒥ. ᓄᓇᕐᔪᐊᓕᒫᒥ ᓂᕿᐅᑉ ᐅᓪᓗᐊ ᓇᓗᓇᐃᓚᐅᖅᑐᖅ ᐊᒻᒪᓗ ᑕᐅᑐᙳᐊᖅᑎᑦᑎᓪᓗᓂ ᐊᒃᑐᐊᓂᖓᑕ ᐊᑐᓂ ᓂᕿ, ᐃᓚᒌᒃ ᐊᒻᒪᓗ ᐃᓄᐃᑦ ᐃᓕᖅᑯᓯᐊ. ᐊᓐᔨᑯ ᐃᑯᒃᑯ ᓴᖅᑭᑎᓛᖅᑐᑦ ᓂᕆᔭᒃᓴᑐᐃᓐᓇᐅᖏᑦᑐᒥᒃ: ᐅᓂᒃᑳᖓᓂ ᓂᕿᐅᑉ, ᐃᒪᒌᒃ, ᐃᓕᖅᑐᓯ ᐊᒻᒪᓗ ᓄᓇᓕ ᓄᓇᕗᓕᒫᒥ, ᕿᒥᕐᕈᐊᒐᖅ ᐊᑐᖅᓯᒪᔪᒃᑯ ᓄᓇᕗᒻᒥᐅᑎᒍ, ᑎᑎᕋᐅᔭᖅᑎᖃᕐᓗᑎᒃ ᓄᓇᕗᒻᒥᐅᑕᖅ ᑭᓚ ᕆᓕᐊᒻᔅ ᐊᒻᒪᓗ ᓴᐃᓕᒻ ᑎᑲᐅᐳᐃ. ᕿᒥᕐᕈᐊᒐᖅ ᑕᑯᑎᑦᑎᔪᖅ ᓂᕿᑦᑎᐊᕙᓂ, ᐊᖑᓇᓱᖕᓂᖅ, ᐸᕐᓇᐃᓂᖅ, ᓯᓚᐅᓪᓗ ᐃᓕᖅᑯᓯᐊ ᐊᒻᒪᓗ ᖃᐅᔨᒪᔭᒃᑯ ᑐᓂᓯᓂᒃᑯ ᑯᖑᓂᑦᑎᒍ. ᒪᓂᒪᓂᐊᖅᑐᖅ ᖃᓪᓗᓈᑐᑦ, ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᑦ ᐊᑭᖃᖏᑦᑐᒥ ᖃᕋᓴᐅᔭᑎᒍ, ᐱᖃᑎᖃᕐᓗᓂ ᑐᓂᓯᔪᓐᓇᖅᑐᑎ ᐃᑲᔫᑎᒥ ᑕᐃᑯᖓ ᐅᓪᓛᕈᒻᒥᑕᕐᓇᐅ ᑲᓇᑕᒥ. ᑲᒻᐸᓂ ᓴᖅᑭᑦᑎᓚᐅᕐᒥᔪᖅ ᐊᔾᔨᓕᐅᒐᕐᒥ ᓴᖅᑭᔮᖅᑎᑦᑎᔪᒥ ᖃᐃᔪ ᐅᓪᓚᕈᒻᒥᑕᕐᕕᖕᒧ ᐱᓕᕆᐊᒃᓴᒥ ᑕᐃᑲᓂ ᓕᐅ ᒥᑭᓐᓂᖅᓴ ᐃᓕᓐᓂᐊᕐᕕᐊᓄ ᑲᖏᖅᖠᓂᕐᒥ. ᐃᖃᓪᓚᒃᑐᖃᑎᖃᖅᑐᑦ ᐃᓕᓐᓂᐊᖅᑎᓂ, ᐃᓕᓴᐃᔨᓂ, ᓄᓇᓕᖕᒥᐅᓂ ᐊᒻᒪᓗ ᓄᓇᓕᖕᒥ ᑕᓯᐅᖅᑕᖏᓐᓂ ᐅᖃᐅᓯᖃᖅᑑ ᓂᕿᓄ ᐱᓕᕆᐊᒃᓴ ᐊᒻᒪᓗ ᐃᓂᖓ ᓂᕿᐅᑉ ᓄᓇᓕᖕᒥ ᐃᓅᓯᑦ.