ᐊᐅᔭᕐᒥ ᐊᑦᑕᓇᖅᑐᒦᑕᐃᓕᒪᑎᑦᑎᓂᖅ ᖃᒪᓂᑦᑐᐊᓂ ᑲᒪᒋᔭᐅᕗᖅ ᐸᓕᓯᙳᐊᒧᑦ

ᐊᐅᔭᕐᒥ ᐊᑦᑕᓇᖅᑐᒦᑕᐃᓕᒪᑎᑦᑎᓂᖅ ᖃᒪᓂᑦᑐᐊᓂ ᑲᒪᒋᔭᐅᕗᖅ ᐸᓕᓯᙳᐊᒧᑦ Published 7:36 am Wednesday, July 29, 2026 By Jill Westerman Northern News Services ᕗᓗᕆᓐᔅ ᓇᒡᔪᒐᓕᒃ, ᐊᐅᔭᐅᔪᒥ ᐸᓕᓯᙳᐊᖑᓪᓗᓂ ᐃᓂᖓ ᑐᕌᖅᑐᖅ ᑐᓂᓯᓗᓂ ᓄᓇᓕᖕᒥᓄ ᐃᓅᕕᐊ ᐊᒻᒪᓗ ᐱᕈᖅᓴᖅᑕᐅᓪᓗᓂ. “ᐸᓖᓯᙳᐊᖑᓚᐅᖅᑐᖓ ᐊᐅᔭᐅᔪᒧ ᓲᖃᐃᒻᒪ ᐃᑲᔪᕈᒪᓪᓗᖓ ᓄᓇᓕᒃ ᐊᑦᑕᕐᓇᖏᓪᓗᓂ ᓄᓇᓕᖕᒥᐅᓄ,” ᐅᖃᖅᐳᖅ. ᓇᒡᓗᒐᓕᒃ ᐱᓇᒧᓵᓵᖅᑐᖅ ᐃᓂᒧ ᓄᖅᖃᖓᓚᐅᑲᖕᓂᖓᓂ ᐊᐅᔭᐅᔪᒥ ᐃᖅᑲᓇᐃᔮᕐᒥᓂ ᐃᑲᔪᖅᑎᐅᓪᓗᓂ ᐃᓕᓐᓂᐊᖅᑐᓄ ᐊᖏᓂᖅᓴᑦ ᐃᓕᓐᓂᐊᕐᕕᐊᓂ. “ᓄᖅᑲᖓᓚᐅᑲᑦᑐᒍ ᐊᐅᔭᐅᔪᒥ, ᐊᓱᐃᓛᒃᓕ, ‘ᑭᐱᙳᔪᒪᖏᓐᓇᒪ ᐊᐅᔭᐅᔪᒥ, ᕿᓂᓪᓗᐊᖅᑐᖓ ᐊᐅᔭᐅᔪᒧ ᐃᖅᑲᓇᐃᔮᕐᒥ,” ᐅᖃᖅᐳᖅ. ᐅᖃᖅᖢᓂ ᐊᓕᐊᓇᐃᒋᖕᒪᔾᔪᒃ ᐱᓕᕆᕈᓘᔭᖅᖢᓂ, ᓄᑖᕐᓂ ᐊᑐᖅᐸᓪᓕᐊᓪᓗᓂ ᐊᒻᒪᓗ ᐃᓕᑦᑎᕙᓪᓕᐊᓪᓗᓂ ᑭᓱᑐᐃᓐᓇᕐᓂ. “ᐱᔪᒥᒋᔭᕋ ᐃᓕᑦᑎᓪᓗᓂ, ᐊᑐᖅᐸᓪᓕᐊᓗᓂ ᐊᒻᒪᓗ ᐱᔪᓐᓇᖅᓯᕙᓪᓕᐊᓪᓗᓂ ᓄᑖᕐᓂᒃ, ᐊᔪᕐᓇᖅᑑᒐᓗᐊᖅᐸᓪᓘᓐᓃᑦ ᖃᓄᐃᓐᓂᕆᔮ,” ᐱᔪᒃᓰᓐᓇᐅᔭᖅᑐᖓ ᓄᑖᕐᓂ ᐱᓕᕆᐊᒃᓴᖃᓕᕐᓗᖓ ᓲᖃᐃᒻᒪ ᐅᒃᐱᕆᔭᖃᖅᑐᖓ ᑭᓱᑐᐃᓐᓇᖅ ᐅᒃᑯᐃᖓᔪᖅ ᐅᕙᓐᓂ ᐃᑲᔪᓲᖑᖕᒪᑦ ᐱᕈᖅᐸᓪᓕᐊᓕᒃᑯᑦ ᐅᕙᒃᑯ ᐊᒻᒪᓗ ᐱᔪᓐᓇᑦᑎᐊᓕᖅᖢᖓ.” ᖃᐅᑕᒫᖅ ᐊᑐᖅᐸᒃᑕᓂ, ᓇᒡᔪᒐᓕᒃ ᐱᒋᐊᖅᐸᒃᑐᖅ ᖃᐅᔨᓴᖅᖢᓂᐅᒃ ᐸᓖᓯᙳᐊ ᓄᓇᓯᐅᑎᖓ ᐊᑐᒐᒃᓴᐅᒐᓗᐊᕐᒪᖔᑦ ᐊᑦᑕᕐᓇᖏᓪᓗᓂ ᐃᖏᕐᕋᔾᔪᑎᒋᓗᒍ ᐱᒋᐊᓚᐅᖏᓐᓂᖓᓂ. “ᓯᕗᓪᓕᕐᒥ, ᖃᐅᔨᓴᖅᐸᒃᑕᕋ ᓄᓇᓯᐅᑎ ᐊᑲᐅᔪᒦᒃᑲᓗᐊᕐᒪᖔᑦ,” ᐅᖃᖅᐳᖅ. “ᖃᐅᔨᓴᐃᓐᓇᖅᐸᒃᑐᖓ ᐃᒡᓗᖁᑎᑦ ᑮᒃᑐᑦᑎᐊᖅᓯᒪᒐᓗᐊᕐᒪᖔᑕ ᐊᒻᒪᓗ ᐊᒃᑯᐊᖅᓯᒪᖕᒪᖔᑕ ᐊᒻᒪᓗ ᖃᐅᔨᓴᑐᐃᓐᓇᖅᖢᖓ ᐃᒡᓗᕐᔪᐊᓂ ᓲᕐᓗ ᐃᓕᓐᓂᐊᕐᕕᑦ ᐊᒻᒪᓗ ᐅᐸᑲᖅᑕᖅᑕᐅᕙᒃᑐᑦ ᓄᑕᕋᐃᑦ ᑕᐃᑲᓃᖏᒃᑲᓗᐊᕐᒪᖔᑕ.” ᐅᓪᓗᒃ ᐊᑐᖅᑕᓂ ᖃᐅᔨᓴᖅᖢᓂ ᓄᓇᓕᖕᒥ, ᑐᕌᖅᑐᒧ ᐊᑦᑕᕐᓇᖅᑐᒦᑕᐃᓕᒪᑎᑦᑎᓂᖅ ᐊᒻᒪᓗ ᐱᔨᑦᑎᕋᐅᑎᑦ ᒪᓕᒐᖏ ᒪᓕᒃᑕᐅᒐᓗᐊᕐᒪᖔᑕ. ᐊᑐᖅᐸᖕᒥᔪᖅ ᐸᓖᓯᙳᐊᖅ ᓄᓇᓯᐅᑎᐊᓂ ᓄᓇᓕᖕᒥ ᐃᓗᕕᖅᓯᔪᖃᕆᐊᖃᓕᕌᖓᑦ ᐊᒻᒪᓗ ᑲᒪᕙᒃᖢᓂ ᐅᖃᓘᓯᐅᔪᓂ ᕿᒻᒥᓄ. ᐊᖅᑯᑎᐅᑉ ᐊᑦᑕᓇᖏᑐᒦᔾᔪᑎᐊ ᐱᒻᒪᕆᐅᒋᓪᓗᓂᐅᒃ. “ᒪᓕᑐᐃᓐᓇᕐᓗᒋ ᒪᓕᒐᑦ ᐊᑐᕋᓗᐊᕐᒪᖔᑕ ᑎᓯᔪᖅ ᓇᓴᓂᒃ, ᐊᒻᒪᓗ ᒪᕐᕉᖏᒃᑲᓗᐊᕐᒪᖔᑕ ᑎᓴᒪᓕᖕᒦᑦᑐᑦ,” ᐅᖃᐅᓯᖃᖅᐳᖅ ᐱᓕᕆᐊᒃᓴᒥᓂ. “ᐊᑐᕋᓗᐊᕐᒪᖔᑕ ᐃᖏᕐᕋᔪ ᒪᓕᒡᓗᑎ ᓱᒃᑲᓕᓂᖓᒍ ᐊᒻᒪᓗ ᐃᖏᕐᕋᓗᕈᓘᔭᖏᒃᑲᓗᐊᕐᒪᖔᑕ.” ᐅᖃᖅᖢᓂ ᒪᓕᒃᐸᑕ ᒪᓕᒋᐊᓕᖕᓂ, ᑲᔪᓯᑎᑦᑎᑐᐃᓐᓇᓲᖅ. ᓴᒡᔪᒐᓕᒃ ᐅᒃᐱᕈᓱᒃᑐᖅ ᖃᐅᔨᓴᖅᑕᐅᓂᖓ ᐊᑲᐅᔪᒥ ᐊᒃᑐᐃᕌᓂᒃᑐᖅ ᐊᒻᒪᓗ ᐊᖁᑎᑦ ᐅᔾᔨᖅᓱᕐᔫᒥᓕᖅᖢᑎᒃ ᑕᐃᒪᙵᓂ ᐱᒋᐊᓚᐅᖅᑎᓪᓗᒍ ᖃᐅᔨᓴᖅᑎᐅᓪᓗᓂ ᓄᓇᓕᖕᒥ. “ᐃᖏᕐᕋᔪᓂ ᐱᕐᕈᓗᐊᕿᔪᖃᐅᓗᐊᓕᓚᐅᕐᒪᑦ ᐊᑐᖅᑐᒥ ᐊᕐᕌᒍᑦ ᐊᓂᒍᖅᑐᖅ, ᑭᓯᐊᓂᓕ ᑕᐃᒪᙵᓂ ᐱᒋᐊᓚᐅᖅᑎᓪᓗᖓ ᐊᖅᑯᑎᒥ ᑲᒪᓂᖅ, ᐃᒃᐱᒋᔭᒃᑯᓪᓕ ᓄᖅᑲᐅᒥᔾᔫᒥᔪᑦ ᓲᖃᐃᒻᒪ ᓄᖃᖅᑎᑲᑕᒃᑲᒃᑭᑦ,” ᐅᖃᖅᐳᖅ. ᐊᓕᐊᓇᐃᒋᒐᓗᐊᖅᑎᓪᓗᓂᐅᒃ ᐃᖅᑲᓇᐃᔮᓂ, ᐃᓚᖓ ᐱᓕᕆᐊᒃᓴᓂ ᐊᔪᕐᓇᓲᖅ. ᑲᒪᒋᓪᓗᓂᒋ ᕿᒻᒥ ᐱᒃᑯᒋᓗᐊᕌᓗᖏᑕᓂ ᐱᓕᕆᐊᒃᓴᒥᓂ, ᐃᓚᖏᓪᓗ ᑲᒪᒋᔭᓂ ᓲᕐᓗ ᑭᓇᒥᐊ ᐊᔪᕐᓇᖅᐸᒃᑭᓪᓗᓂ. “ᐊᔪᕐᓇᕈᔪᒃᑐᖅ,” ᐅᖃᖅᐳᖅ, “ᑭᓯᐊᓂᓕ ᐱᓕᕆᔭᕆᐊᖃᕋᒃᑯ ᐱᓕᕆᐊᒃᓴᕆᒐᒃᑯ.” ᐱᓕᒻᒪᒃᓴᖅᑕᐅᓂᖅ ᐃᓂᒧ ᐱᓕᕆᐊᒃᓴᓕ ᐊᒡᒐᒃᑯᑦ ᐱᖃᑎᖃᖅᖢᓂ ᖃᒪᓂᑦᑐᐊᖅ ᐸᓖᓯᙳᐊᒻᒪᕆᐊᓂᒃ, ᐃᓕᓴᕆᓪᓗᓂᐅᒃ ᐃᑲᔪᑦᑎᐊᕐᓂᖓᓄ ᐃᓕᑦᑎᓂᖅ ᐱᓕᕆᐊᒃᓴᒥᓂ. “ᐸᓖᓯᙳᐊᑦᑎᐊᕙᒃ,” ᐅᖃᖅᐳᖅ. “ᐊᔾᔪᒥᓇᖅᑐᖅ. ᐃᑲᔪᖅᑐᖅ ᓄᓇᓕᖕᒥᐅᓂ ᐊᒻᒪᓗ ᑭᓱᓕᒫ ᖃᓄᐃᖏᒃᑲᓗᐊᕐᒪᖔᑕ. ᐅᕙᓐᓂᒃ ᐃᓕᓐᓂᐊᖅᑎᑦᑎᓚᐅᖅᑐᖅ ᖃᓄᐃᓕᐅᖅᐸᖕᒪᖔᑦ, ᐊᒻᒪᓗ ᐱᓕᕆᐊᖃᑐᐃᓐᓇᖅᖢᖓ ᐱᓕᕆᐊᕆᕙᒃᑕᖓᓂ. ᐊᔪᕐᓇᖏᑉᐹᓪᓕᓚᐅᖅᑐᖅ ᐃᖅᑲᓇᐃᔮᕋ.” ᐅᖃᖅᖢᓂ ᐊᕐᓇᐅᓂᓂ ᐊᓯᔾᔩᓯᒪᖏᓚᖅ ᑕᑯᔭᓂ ᑕᒪᓐᓇ ᐃᓂᐅᔪᖅ. “ᐅᕙᓐᓄ, ᑭᓇᒥᐊᖅ ᐱᓕᕆᔪᓐᓇᖅᑐᖅ ᐱᔪᒃᓯᑐᐊᕈᓂ ᐅᒻᒪᑏᑦ,” ᐅᖃᖅᐳᖅ. ᓴᙱᔭᕆᐊᖃᑐᐃᓐᓇᖅᑐᒍ ᐃᓱᒪᒃᑯᑦ, ᓲᕐᓗᓕ ᑲᒪᓂᖅ ᓂᙵᐅᒪᔪᓂ.” ᓄᓇᓕᖕᒥᐅᑦ ᑕᒪᐃᓐᓄᑲᓴᒃ ᐃᑲᔪᖅᑐᐃᓯᒪᔪ ᐱᓕᕆᐊᒃᓴᒥᓂ, ᐅᖃᖅᐳᖅ. “ᐅᖃᐅᔾᔭᐅᑦᑎᐊᑲᑕᒃᑐᖓ ᐱᓕᕆᑦᑎᐊᕐᓂᓐᓂ ᐱᓕᕆᐊᒃᓴᕐᓂ ᐃᖅᑲᓇᐃᔮᕐᒥ,” ᐅᖃᖅᐳᖅ. “ᐱᑕᖃᐃᓐᓇᐅᔭᖅᑐᖅ ᑲᑕᒃᓴᐃᔨᓂ, ᑭᓯᐊᓂᓕ ᓱᖁᑎᒋᕙᙱᑕᒃᑲ.” ᓇᒡᔪᒐᓕᖕᒧ, ᐱᒃᑯᓇᕐᓂᖅᐹᖅ ᐃᓚᖓ ᐃᖅᑲᓇᐃᔮᕐᒥᓂ ᐃᑲᔪᖅᖢᓂ ᓴᐳᑎᓪᓗᒋ ᓄᓇᓕᐅᑉ ᓄᑲᖅᖠᐅᓂᖅᓴᐅᓂᖏ. “ᐱᒻᒪᕆᐅᔪᖅ ᐅᕙᓐᓄ ᓲᖃᐃᒻᒪ ᖃᓄᐃᖏᒃᑲᓗᐊᕐᒪᖔᑕ ᓄᑕᕋᑦ ᓇᓂᑐᐃᓐᓈᖅᑐᑦ, ᐊᓃᕋᔭᒃᑐᑦ ᓯᓚᒥ, ᐊᓃᑦᑎᐊᕈᓐᓇᕋᓗᐊᕐᒪᖔᑕ ᐊᑦᑕᕐᓇᖏᑦᑐᒥ ᑖᒃᑯᓇᙵ ᐃᖏᕐᕋᕈᓘᔭᖅᐸᒃᑐᓄ,” ᐅᖃᖅᐳᖅ. ᐅᒃᐱᕈᓱᒃᑐᖅ ᐸᓖᓯᙳᐊᑦ ᐊᑑᑎᓕᖕᒥ ᐱᓕᕆᐊᒃᓴᓖᑦ ᓄᓇᓕᓕᒫᓂ. “ᐃᓱᒪᒋᔭᕋᓕ ᐱᒻᒪᕆᐅᓂᖓᓂ ᐱᑕᖃᓪᓗᐊᕐᓂᖓᓄ ᐸᓖᓯᙳᐊᓂ ᖃᖓᓕᒫᒃᑯᑦ,” ᐅᖃᖅᐳᖅ. ᐃᓂᒋᔭᓂ ᒫᓐᓇᐅᔪᖅ ᐊᐅᔭᐅᔪᒨᖓᓪᓗᓂ, ᓇᒡᓗᒐᓕᒃ ᐱᔪᒪᒐᓗᐊᖅᐳᖅ ᐅᑎᓛᕐᓗᓂ ᐃᓂᒧᑦ. “ᑕᒡᕙᑐᖅ ᑲᔪᓯᓂᐊᖅᐳᖓ ᐊᐅᔭᒃᑯ ᐸᓖᓯᙳᐊᖑᓗᖓ,” ᐅᖃᖅᐳᖅ. “ᖃᐅᔨᓂᐊᖅᐳᒍ ᖃᓄᐃᓕᖓᓂᐊᕐᒪᖔᑦ.” ᑭᖑᓂᐊᓄ ᑕᑯᓪᓗᓂ ᓯᕗᓪᓕᕐᒥ ᐱᓇᓱᐊᕈᓯ ᐱᒋᐊᓚᐅᖅᑕᒥᓂ ᐃᓂᐊᓂ, ᐅᖃᖅᖢᓂ ᐊᑐᒐᒃᓴᑦᑎᐊᕙᐅᓚᐅᕋᒥ ᐊᑐᖅᑕᓂ. “ᐸᓖᓯᙳᐊᖑᖅᖢᓂ ᐅᕙᓐᓂ ᑐᓂᓯᓯᒪᔪᖅ ᐊᑐᒐᒃᓴᑦᑎᐊᕙᐅᓪᓗᓂ ᐃᖅᑲᓇᐃᔮᒃᓴ ᐊᑐᖅᑕᓂ ᐅᕙᓐᓂ ᐱᔪᓐᓴᖅᑎᑦᑎᓪᓗᓂ ᑲᒪᒋᓗᓂᒋ ᓄᓇᓕᖕᒥᐅᑦ ᐃᒃᐱᒋᔭᒃᑲ ᐃᓗᒃᑯᑦ,” ᐅᖃᖅᐳᖅ. “ᐱᒃᑯᒍᓱᒃᑐᖓ ᐱᓕᕆᐊᓐᓂ ᐃᑲᔪᕈᓐᓇᕋᒪ ᖃᒪᓂᑦᑐᐊᕐᒥᐅᑕᓂ ᐊᒻᒪᓗ ᐃᓚᓕᐅᑕᐅᓪᓗᖓ ᐊᑦᑕᕐᓇᖏᑦᑐᒦᑎᑦᑎᓂᖅ, ᓴᙱᔫᓗᓂ ᓄᓇᓕ ᑖᓐᓇ ᐱᒃᑯᒋᔭᕋ ᑕᐃᓪᓗᒍ ᐊᖏᕐᕋᒐ.” “ᐊᓕᐊᓇᐃᑦᑐᖅ,” ᐅᖃᖅᐳᖅ. “ᐃᓛᓐᓂᒃᑯᑦ ᑲᑉᐱᐊᓇᖅᖢᓂ… ᐊᔾᔨᒋᕙᙱᑖ ᖃᖓᓕᒫᖅ.”