‘ᐊᔪᕈᓐᓃᖅᓴᐃᓐᓇᕆᑦ ᐅᖃᐅᓯᕐᓂ’, ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨ ᐃᓕᓴᖅᓯᓂᖃᖅᐳ ᖁᕕᐊᓲᑎᖃᖅᖢᑎᒃ ᐃᓕᖅᑯᓯᒥᒃ Published 8:26 am Saturday, August 1, 2026 ᑕᓪᓕᒪᑦ ᐃᓕᓴᕆᔭᐅᓚᐅᖅᑐᑦ ᑐᓂᔭᐅᓪᓗᑎᒃ, ᐃᓕᓴᐃᔨᑦ ᐊᒻᒪᓗ ᑭᒡᒐᖅᑐᖅᑎ ᐃᓄᐃᑦ ᓄᓇᖓᓂ ᑕᐃᑲᓂ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏ ᑲᑎᒪᓂᐅᔪ ᔪᓚᐃ 23. ᓴᐅᒥᖕᒥ ᑲᖏᖅᖠᓂᖅ, ᑎᐊ ᐊᑕᒻᔅ ᓵᓚᒃᓴᓚᐅᖅᑐᖅ Hᐊᓐᔅ ᐸᕕᐊ ᕈᓯᖕ ᑐᑭᒧᐊᖅᑎᑦᑎᔨᓄ ᐃᓕᓴᕆᔭᐅᔾᔪᑎ ᐱᓕᕆᐊᕐᒥᓄ ᐱᓕᕆᖃᑎᖃᖅᖢᓂ Google ᐱᓯᒻᒦᓐᓇᕐᓂᖅ ᐃᓄᐃᑦ ᐅᖃᐅᓯᖏᓐᓂ. ᑲᓛᓖᕐᒥᐅᑕᖅ ᐃᖏᖅᑎ ᐊᒻᒪᓗ ᐊᓐᓄᕌᓕᐅᖅᑎ Hᐊᓐᔅ−Hᐃᕐᓂᒃ ᓱᕐᓴᖅ ᐳᓯᓐ, ᐊᓛᔅᑲᒥ ᐅᖃᐅᓯᐊᓄ ᐃᓕᓴᐃᔨ ᑖᑎᐊᓇ ᑯᐊᑎᐅᔅ ᐊᒻᒪᓗ Chukotka (ᐅᓛᓯᐊ) ᑕᑯᔭᒐᖃᕐᕕᒃ ᐃᓱᒪᑖ ᒪᕆᐊ ᕙᓗᕆᓇ ᑲᓇᕐhᐅᕙ ᑐᓂᔭᐅᔪᐃᓐᓇᐅᓚᐅᖅᑐᑦ. Hᐊᓐᔅ ᐸᕕᐊ ᕈᓯᖕ ᑐᑭᒧᐊᖅᑎᑦᑎᔨᓄ ᐃᓕᓴᕆᔭᐅᔾᔪᑎ ᑐᓂᔭᐅᓲᖅ ᒪᒃᑯᒃᑐ ᐃᓄᖕᓄ ᐊᓂᒍᕌᖓ ᐊᕐᕌᒍ ᑕᓪᓕᒪᑦ ᐱᓇᔪᒃᑐᓄ ᓴᖏᒃᑎᓴᕐᓗᒍ ᐃᓕᖅᑯᓯ, ᐅᖃᐅᓯᖅ, ᐊᒻᒪᓗ ᓄᓇᓕᖕᒥ ᐃᓅᓯᑦ. ᑕᐃᒪᐃᒃᑲᓗᐊᖅᑎᓪᓗᒍ ᐸᕕᐊ ᕈᓯᖕ, 33, ᖃᐅᔨᒪᔭᐅᑦᑎᐊᕋᓗᐊᖅᑎᓪᓗᒍ ᐃᖏᐅᓯᕐᒥᓄ, ᓴᓇᕙᖕᒥᔪᖅ ᐊᓐᓄᕌᓂᒃ ᐊᒻᒪᓗ ᑕᑯᓈᖅᑎᑦᑎᕙᒃᖢᓂ ᖃᕋᓴᐅᔭᒃᑯᑦ. “ᐃᓕᑦᑎᒍᒪ ᑭᓱᒥᒃᑭᐊᖅ, ᑭᓇᒥᐊᕐᒥ, ᐃᓅᖃᑎᓐᓂ, ᐃᓕᑦᑎᖁᕙᖕᒥᔭᒃᑲ,” ᓱᕐᓴᖅ ᐳᓯᓐ ᐅᖃᖅᐳᖅ ᖃᓄᐃᒻᒪ ᓵᓚᒃᓴᓚᐅᕐᒪᖔᑦ ᐃᓕᓴᕆᔭᐅᔾᔪᑎᒥᒃ. ᑕᑯᖃᓐᓈᖅᑎᑦᑎᓪᓗᓂ ᑲᑕᔾᔭᖅᑐᒥ, ᕿᓚᐅᔾᔭᖅᑐᒥ ᐊᒻᒪᓗ ᐅᓪᓗᒥ ᐃᙱᐅᓯᓂ, ᑕᑯᕋᓐᓈᖅᑎᑦᑎᕙᒃᑐᖅ ᐃᖃᓗᖕᓂ ᑲᑎᑦᑐᓂ ᓲᕐᓗ ᐊᓕᐊᓇᐃᑦ ᐊᒻᒪᓗ ᐊᒃᑎᒃ ᕕᓯᓐ ᑕᐃᒪᙵᓂ 2014-ᒥ. ᓱᕐᓴᖅ ᐳᓯᓐ ᓴᓇᕙᖕᒥᔪᖅ ᐊᓐᓄᕌᓂᒃ ᑕᐃᑲᙵᓂᓴᑐᖃᓂ 1700 ᐊᑐᕐᓂᐊᖅᑕᒥᓂ, ᓂᐅᕕᐊᒃᓴᒃᓴ ᐊᒻᒪᓗ ᑕᑯᔭᒃᓴ ᖃᕋᓴᐅᔭᒃᑯᑦ. “ᐅᓄᖅᑐᑦ ᒪᒃᑯᒃᑐᑦ, ᖃᐅᔨᒪᖏᓚᑦ ᖃᓄᖅ ᐃᓐᓇᑐᖃ ᖃᐅᔨᒪᖕᒪᖔᑕ, ᖃᐅᔨᒪᔭᓐᓂ, ᐊᒻᒪᓗ ᑲᔪᖏᖅᓱᐃᖏᓐᓇᐅᔭᖅᑕᒃᑲ ᐃᓕᑦᑎᖁᓪᓗᒋ ᐊᒻᒪᓗ ᐱᒃᑯᒍᓱᒡᓗᑎᒃ ᐃᓕᖅᑯᓯᕐᒥᓂ,” ᐅᖃᖅᐳᖅ. ᓱᕐᓴᖅ ᐳᓯᓐ ᕿᕿᕐᑕᕐᓱᐊᕐᒥ, ᓄᓇᓕᒃ ᓂᒡᒋᖅᐸᓯᐊᓂ ᑲᓛᓖᑦ ᑕᐃᑲᓂ ᑎᒡᑯ ᕿᑭᖅᑕᖅ. ᑭᓯᐊᓂᓕ ᐅᖃᖅᖢᓂ ᐃᖃᓗᐃᑦ ᑭᖑᓪᓕᐅᔪ ᐊᖏᕐᕋᓂ ᑕᐃᔮ, ᐊᒻᒪᓗ ᖃᐅᔨᒪᖁᔨᓪᓗᓂ ᒪᒃᑯᒃᑐ ᓄᓇᕗᒻᒥᐅᓂ ᖃᐅᔨᒪᓗᑎᒃ ᐃᓚᐅᓪᓗᐊᕐᓂᖏᓐᓂ ᖃᐅᔨᒪᔭᕐᒥᓂ. “ᐊᔪᕈᓐᓃᖅᓴᐃᓐᓇᕆᑦ ᐃᓕᖅᑯᓯᕐᓂ. ᐊᔪᕈᓐᓃᖅᓴᐃᓐᓇᕆᑦ ᐅᖃᐅᓯᕐᓂ, ᐊᔪᕈᓐᓃᖅᓴᐃᓐᓇᕆᑦ ᐊᒻᒪᓗ ᐃᓕᑦᑎᓗᑎᑦ. ᐃᓕᑦᑏᓐᓇᐅᔭᕐᓗᑎᒃ ᑭᓇᐅᖕᒪᖔᖅᐱᑦ ᐊᒻᒪᓗ ᓇᑭᙶᕐᒪᖔᖅᐱᑦ,” ᓱᓴᖅ ᐳᓴᓐ ᐱᖁᔨᕗᖅ. ᑖᑎᐊᓇ ᑯᐊᑎᐃ, 24, ᑕᐃᑲᙶᖅᑐᖅ ᐱᑐᐃᓪ, ᐊᓛᔅᑲ, ᐊᓛᔅᑲ, ᐃᓕᓐᓂᐊᖅᑎᑦᑎᓲᖅ ᔪᑉᐱᒃ ᐅᖃᐅᓯᐊᓂ ᓱᒃᑐᓐ. ᐃᓕᓐᓂᐊᕆᐊᕐᓂᑯ ᔪᒃᑐᓐ ᒥᑭᓐᓂᖅᓴᖅ ᐃᓕᓐᓂᐊᕐᕕᐊᓄ, ᐃᓕᓐᓂᐊᖏᖦᖢᓂ ᖃᓪᓗᓈ ᐅᖃᐅᓯᐊᓂ ᑭᓯᐊᓂᓕ ᐊᔪᖏᓐᓂᓕ 4−ᒦᓕᖅᑎᓪᓗᒍ. ᒫᓐᓇᐅᔪᖅ ᐅᖃᕈᓐᓇᖅᑐᖅ ᖃᓪᓗᓈᑐᑦ, ᐃᓕᓐᓂᐊᕆᐊᓯᔪᖅ ᔪᒃᑐᓐ ᐅᖃᐅᓯᓕᕆᔪ ᐃᓕᓐᓂᐊᕐᕕᖕᒧ ᐃᑲᔪᕐᓂᐊᕋᒥ ᐃᓕᑦᑎᓗᓂ ᑭᓇᐅᖕᒪᖔᕐᒥᓂ. “ᐊᖏᒡᓕᓂᖅᓴᐅᑎᓪᓗᖓ, ᐅᔾᔨᕈᓱᓕᓚᐅᖅᑐᖓ ᐅᖃᐅᓯᕗᑦ ᐱᒻᒪᕆᐅᓂᖓᓂ, ᐊᒻᒪᓗ ᒫᓐᓇᐅᔪᖅ ᐃᖅᑲᓇᐃᔮᕋ ᐱᓕᕆᐊᕋ ᐃᓚᒋᔭᐅᓪᓗᓂ ᑐᓴᖅᑎᑦᑎᔨ ᑲᑎᒪᔨᓂ ᑕᐃᑲᓂ ᓄᓈᓂ ᒥᐊᓕᒐ ᐅᖃᐅᓯᓕᕆᔨᒃᑯᓐᓂ, ᖁᕝᕙᓯᒋᐊᖅᑎᑦᑎᓲᖅ ᐅᖃᐅᓯᖅᑕᑦᑎᓐᓂ ᒥᐊᓕᒐᐃ ᓄᓈᓂ,” ᑖᓐᑲ ᑯᐊᑐᐃᔅ ᐅᖃᖅᐳᖅ. ᙳᕗᓪᓕᖅᐸᐅᒋᓚᐅᖅᑖ ᖃᐃᓪᓗᓂ ᓄᓇᕗᒻᒧ, ᐊᒻᒪᓗ ᑖᓐᑲ ᑯᐃᑐᐃ ᐅᖃᖅᖢᓂ ᑐᓂᔭᐅᓚᐅᕋᒥ “ᐱᒃᑯᓇᖅᑐᒥ” ᑐᙵᓇᖅᑐᒥ. ᐅᖃᖅᖢᓂ ᒪᒃᑯᒃᑐᑦ ᓄᓇᕗᒻᒥᐅ ᐃᓚᐅᓪᓗᐊᕐᒪᑕ ᐱᓕᕆᐊᕐᒥᓂ ᐃᓕᖅᑯᓯᓕᕆᔪᓂ ᖃᐅᔨᑦᑎᐊᖁᓪᓗᒋ ᑭᓇᐅᓂᕐᒥᓂ. “ᐱᖁᔨᓇᔭᖅᑐᖓ ᑲᔪᓯᓗᑎᒃ ᐃᓕᑦᑎᓗᑎᒃ ᐅᖃᐅᓯᕐᓂ, ᓈᓚᒡᓗᒋ ᐃᓐᓇᑐᖃᓯ, ᐊᔪᕈᓐᓃᖅᓴᕐᓗᑎ ᐃᓕᖅᑯᓯᕐᓂ ᐊᒻᒪᓗ ᐱᖅᑯᓯᕐᓂ, ᐊᒻᒪᓗ ᐊᔪᕈᓐᓃᖏᓐᓇᕐᓗᑎ ᐊᒻᒪᓗ ᐃᓕᑦᑎᕙᓪᓕᐊᖏᓐᓇᕐᓗᑎ ᑭᓇᐅᖕᒪᖔᖅᐱ ᐊᒻᒪᓗ ᓇᑭᙶᕐᒪᖔᖅᐱ,” ᑖᓐᑲ ᑯᐊᑐᐃ ᐅᖃᖅᐳᖅ.
ᐊᔪᕈᓐᓃᖅᓴᐃᓐᓇᕆᑦ ᐅᖃᐅᓯᕐᓂ, ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨ ᐃᓕᓴᖅᓯᓂᖃᖅᐳ ᖁᕕᐊᓲᑎᖃᖅᖢᑎᒃ ᐃᓕᖅᑯᓯᒥᒃ
