ᑭᕙᓪᓕᖅ ᐃᖅᑲᓇᐃᔮᓂ ᑕᑯᒃᓴᐅᑎᑦᑎᓂᖅ ᐅᑎᖅᑐᖅ ᑕᐅᑐᒃᖢᑎᒃ ᓇᖕᒥᓂᖃᖅᑎᐅᔪᓂ ᐊᒻᒪᓗ ᐅᑭᐅᖅᑕᖅᑐᒥ ᓂᐱᐅᔪᓂ

ᑭᕙᓪᓕᖅ ᐃᖅᑲᓇᐃᔮᓂ ᑕᑯᒃᓴᐅᑎᑦᑎᓂᖅ ᐅᑎᖅᑐᖅ ᑕᐅᑐᒃᖢᑎᒃ ᓇᖕᒥᓂᖃᖅᑎᐅᔪᓂ ᐊᒻᒪᓗ ᐅᑭᐅᖅᑕᖅᑐᒥ ᓂᐱᐅᔪᓂ Published 8:02 am Sunday, August 16, 2026 ‘ᓈᓚᒡᓗᓂ ᐅᑭᐅᖅᑕᖅᑐᒥ’ ᑐᓴᒐᒃᓴᐅᔪᖅ ᐊᕐᕌᒍᑦᑎᓐᓂ ᑭᕙᓪᓕᖅ ᑕᑯᒃᓴᐅᑎᑦᑎᓂᖅ ᐃᖅᑲᓇᐃᔮᓂ, ᐋᕿᒃᓱᐃᔩ ᐸᕐᓇᒃᑐᑦ ᑲᑎᑎᑦᑎᓗᑎᒃ ᓇᖕᒥᓂᖃᖅᑎᐅᔪᓂ, ᓇᖕᒥᓂᖃᑦᑎᑦ, ᒐᕙᒪᑦ, ᐃᓄᐃᑦ ᑎᒥᐅᔪᓂ ᐊᒻᒪᓗ ᐱᓕᕆᕐᔪᐊᑦᑎᓄ ᑭᒡᒐᖅᑐᐃᔨᓂ ᐃᑲᔪᕐᓗᑎᒃ ᐋᕿᒡᓗᒍ ᓄᓇᕗᑦ ᓯᕗᓂᒃᓵᓂ. “ᐅᖃᐅᓯᒃᓴᖅᑕᖃᐅᖅᑐᖅ ᑕᐅᖅᓰᖃᑎᒌᖕᓂᕐᒧ, ᐊᑭᓕᒐᒃᓴᑦ ᐊᒻᒪᓗ ᐅᑭᐅᖅᑕᖅᑐᒥ ᓇᖕᒥᓂᖅᓱᕐᓂᖅ,” ᕋᐳᑦ ᑲᓇᓕ ᐅᖃᖅᐳᖅ, ᐊᖓᔪᖅᑳ ᑭᕙᓪᓕᖅ ᐃᖅᑲᓇᐃᔮᓂ ᑕᑯᒃᓴᐅᑎᑦᑎᔨ ᑲᑐᔾᔨᖃᑎᒌᒃ. “ᖃᐃᖁᔨᔪᒍ ᐊᒻᒪᓗ ᐅᖃᓪᓚᒋᐊᑐᐃᓐᓚᖏᓪᓗᑎᒃ ᑭᓯᐊᓂᓕ ᓈᓚᒡᓗᑎᒃ. ᓈᓚᒡᓗᑎᒃ ᐃᓄᐃᑦ ᐱᔪᒪᔮᓂ, ᑐᑭᒧᐊᖅᑎᑦᑎᔨ, ᓄᓇᓕᕗᑦ ᐊᒻᒪᓗ ᑎᒥᐅᔪᑦ ᐅᖃᐅᓯᒃᓴᖏᓐᓂ.” 17-ᒋᓪᓗᓂᐅᒃ ᐊᕐᕌᒍ ᑭᕙᓪᓕᕐᒥ ᐃᖅᑲᓇᐃᔮᓂᒃ ᑕᑯᒃᓴᐅᑎᑦᑎᓂᖅ ᐊᑐᖅᑕᐅᓂᐊᖅᑐᖅ ᑲᖏᖅᖠᓂᕐᒥ ᑕᐃᑲᙵᓂ ᓯᑎᐱᕆ 21-23, ᑕᐃᒃᑯᐊ ᑭᕙᓪᓕᕐᒥ ᓇᖕᒥᓂᖃᖅᑎᓄ ᐱᓕᕆᐊᒃᓴᖅ, ᐱᓕᕆᓗᑎᒃ ᐅᓪᓗᓄ ᑕᓪᓕᒪᓄ ᐃᓕᓐᓂᐊᕐᓂᖅ, ᐊᑐᖅᑕᐅᓂᐊᖅᑐᖅ ᓯᑎᐱᕆ 19-23. ᑕᒪᑐᒪᓂ ᐊᕐᕌᒍᒥ ᑎᑎᖅᑲᕆᔭᐅᔪᖅ ᓈᓚᖕᓂᖅ, ᐃᓄᒃᑎᑐ ᐅᖃᐅᓯᖅ ‘ᓈᓚᖕᓂᖅ.’ ᑲᓇᓕ ᐅᖃᖅᖢᓂ ᑎᑎᖃᖅ ᑐᕌᖓᔪᖅ ᐱᕈᖅᐸᓪᓕᐊᓂᖅ ᑲᓇᑕᒥ ᐅᖃᐅᓯᒃᓴ ᐱᔾᔪᑎᓕᖕᒧ ᐅᑭᐅᖅᑕᖅᑐᒥ ᐱᕙᓪᓕᐊᓂᖅ, ᑕᐅᖅᓰᓂᖅ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᐊᓂ, ᑕᐅᑐᙳᐊᖑᔮᕐᔪᒃᑎᓪᓗᒋ ᐱᒻᒪᕆᐅᓂᖓᑕ ᑐᓴᕐᓗᑎᒃ ᓄᓇᕗᒻᒥᐅᒻᒪᕆᖕᓂᑦ. “ᐅᓄᖅᓯᓯᒪᔪᖅ ᑕᐅᑐᒃᑐᑦ ᓄᓇᐅᑉ ᐱᖁᑎᐊᓂ ᑕᒫᓂ ᐅᑭᐅᖅᑕᖅᑐᒥ, ᐱᓗᐊᕕᒃᑐᒥ ᓄᓇᒥᙶᖅᑐ ᐅᔭᕋᑦ, ᐊᒻᒪᓗ ᐅᖃᐅᓯᐅᕈᓘᔭᖅᓯᒪᓪᓗᓂ ᐅᑭᐅᖅᑕᖅᑐᒥ ᓇᖕᒥᓂᖅᓱᕐᓂᖅ,”ᐅᖃᖅᐳᖅ ᑲᓇᓕ. “ᖃᐃᔪ ᑕᕝᕗᖓ ᑭᕙᓪᓕᖅ ᐃᖅᑲᓇᐃᔮᓂ ᑕᑯᒃᓴᐅᑎᑦᑎᓂᖅ ᖃᐅᔨᒪᓕᑦ ᐱᒻᒪᕆᐅᓂᖓᓄ ᖃᐃᓗᑎᒃ ᐊᒻᒪᓗ ᓈᓚᒡᓗᑎᒃ ᐅᖃᓪᓚᒃᑐᓂ.” ᐃᖅᑲᓇᐃᔮᓂ ᑕᑯᒃᓴᐅᑎᑦᑎᓂᖅ ᐱᒋᐊᓚᐅᖅᓯᒪᔪᖅ 2010 ᐆᒃᑐᕋᖅᑕᐅᓪᓗᓂ ᑎᒥᐅᔪᓂ ᑕᐅᑐᒃᑐ ᑮᓇᐅᔭᓕᕆᓂᕐᒧ ᐱᕙᓪᓕᐊᔪᓕᕆᓂᖅ ᑭᕙᓪᓕᕐᒥ. ᐊᓂᒍᕋᒥ ᐊᕐᕌᒍᑦ, ᑎᒥᐅᔪᑦ ᐋᖅᑭᒃᓯᓕᓚᐅᖅᑐᑦ ᑭᕙᓪᓕᖅ ᐃᖅᑲᓇᐃᔮᓂ ᑕᑯᒃᓴᐅᑎᑦᑎᓂᕐᒧ ᑲᑐᔾᔨᖃᑎᒌᓂ, ᐃᓚᒋᔭᐅᔪᑦ ᒫᓐᓇᐅᔪᖅ ᐃᓚᖃᖅᑐᑦ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᒃ, ᓴᒃᑯ ᐃᓐᕕᔅᒥᓐᔅ ᑯᐊᐳᕇᓴ, ᓄᓇᕗᑦ ᐱᕙᓪᓕᐊᔪᓕᕆᓂ ᑯᐊᐳᕇᓴ, ᒐᕙᒪᒃᑯ ᓄᓇᕗᒻᒥ, ᐊᑐᖅᑐᐊᕐᕕᒃ ᑯᐊᐳᕇᓴ, ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᒃ, ᑭᕙᓪᓕᕐᒥ ᓇᖕᒥᓂᖃᕐᓂ ᐱᕙᓪᓕᐊᔪᓕᕆᓂᖅ ᐊᒻᒪᓗ ᐊᓯᖏ ᑕᓯᐅᖅᑎᐅᔪ ᓄᓇᕗᒻᒥ. ᑲᓇᓕ ᐅᖃᖅᖢᓂ ᑲᑎᓐᓂᐅᕙᒃᑐᖅ ᐱᕈᖅᐸᓪᓕᐊᒐᒥ ᐃᖏᕐᕋᐅᔭᖅᑐᒥ ᐊᓕᒍᖅᑐᒥ ᐊᕐᕌᒍᑦ 17-ᓄ ᐊᒻᒪᓗ ᐃᒪᒋᔭᐅᓪᓗᓂ ᓄᓇᕗᒻᒥ ᐊᖏᓂᖅᐹᖅ ᓇᖕᒥᓂᖃᖅᑐᓄ ᑲᑎᓐᓂᐅᕙᒃᑐᖅ. “ᑕᑕᐅᔾᔨᕙᒃᑐᒍ ᐃᓄᒋᐊᓄ ᐊᕐᕌᒍᑕᒫ,” ᐅᖃᖅᐳᖅ. “ᐊᔪᕐᓇᕈᑕᐅᓂᖅᐹᖑᕙᒃᑐᖅ ᑐᔪᕐᒥᕕᑦ.” ᐋᕿᒃᓱᐃᔩ ᓂᕆᐅᒃᑐᑦ ᐅᖓᑖᓄ 250 ᐃᓚᐅᓂᐊᖅᑐ, ᐅᖓᑖᓄ 50 ᑕᑯᔭᒐᖃᕐᕕᓖ ᐊᒻᒪᓗ ᑎᑭᐅᑎᓪᓗᒍ 30 ᑎᑎᕋᐅᔭᖅᑏ ᐊᕐᕌᒍᑦᑎᓐᓂ. ᑲᑎᓐᓂᐅᔪᖅ ᐊᑐᖅᑕᐅᓂᐊᖅᑐᖅ ᐊᓐᔨᑯ ᐃᑯᑯ ᐃᒡᓗᕐᔪᐊᖓᓂ ᐊᒻᒪᓗ ᐊᓯᖏᓐᓂ ᑲᖏᖅᖠᓂᕐᒥ. ᐊᑐᖅᑕᐅᓂᐊᖅᑐᖅ ᐊᖏᓂᖅᐹᖅ ᐱᓇᓱᐊᕈᓯᐅ ᐃᓗᐊᓂ ᑭᕙᓪᓕᖅ ᓇᖕᒥᓂᖃᖅᑎᓄ ᐱᓕᕆᐊᒃᓴᖅ, ᐃᓕᓐᓂᐊᕈᑎᒻᒪᕆ ᐋᕿᒃᓯᒪᔪᖅ ᐃᑲᔫᑕᐅᓂᐊᕐᓗᓂ ᐱᔪᒪᓂᕐᒧ ᐊᒻᒪᓗ ᓴᖅᑭᑕᐅᓯᒪᔪ ᓇᖕᒥᓂᓖ. ᐃᓕᓐᓂᐊᒐᒃᓴ ᐃᓕᓐᓂᐊᕈᑎᓕ ᐅᖃᐅᓯᖃᖅᑐᒥ ᐃᓕᓴᕆᔭᐅᓂᖅ ᐊᒻᒪᓗ ᐅᒃᑯᐃᕈᑎ ᓇᖕᒥᓂᓕᖕᓄ ᐸᕐᓇᐃᔾᔪᑎᓄ ᐱᕙᓪᓕᐊᔪᓕᕆᓂᖅ ᐊᒻᒪᓗ ᐅᒃᑯᐃᖓᔪᓂ ᐃᑲᔫᑎᑦ. ᐃᓚᐅᔪᑦ ᑕᑯᑎᖕᒥᓗᑎᒃ ᐃᑲᔫᓯᐊᖅᑎᑦᑎᕙᒃᑐ ᑎᑎᕋᕐᕕᐊᓂ, ᐃᓄᐃᑦ ᑎᒥᐅᔪᑦ ᐊᒻᒪᓗ ᐊᑐᓕᒻᒪᒃᓯᒪᔪ ᓇᖕᒥᓂᓖ ᐃᓚᐅᑎᓪᓗᒋ ᐅᓄᖅᑐᑯᑦ ᐃᖅᑲᓇᐃᔮᓂ ᑕᑯᔭᒃᓴᓕᖕᒥ ᑲᑎᒪᔪᓂ ᐊᒻᒪᓗ ᑲᑎᑦᑐᓂᒃ. ᑕᑕᑎᕆᔪ ᐅᑭᐅᖃᕆᐊᓕ 19-ᒥ, ᓄᓇᖃᕐᓗᑎᒃ ᑭᕙᓪᓕᕐᒥ ᐱᓕᕆᐊᒃᓴᖅᑕᖃᖅᑎᓪᓗᒍ, ᐊᒻᒪᓗ ᐊᐅᓪᓚᕈᓐᓇᕐᓗᑎᒃ ᑲᖏᖅᖠᓂᕐᒧ ᑕᐃᑲᙵ ᑎᑭᕋᕐᔪᐊᓂ, ᐃᒡᓗᓕᒑᕐᔪᖕᒥ, ᓇᐅᔮᓂ, ᐊᕐᕕᐊᑦ, ᖃᒪᓂᑦᑐᐊᖅ ᐅᕝᕙᓘᓐᓃ ᓴᓪᓕᕐᓂ. ᖃᖓᑦᑕᐅᑎᑦ ᐊᒻᒪᓗ ᑐᔪᕐᒥᔾᔪᑎ ᐊᑭᓕᖅᑕᐅᓂᐊᖅᑐᑦ. ᑲᓇᓕ ᐅᖃᖅᖢᓂ ᓇᖕᒥᓂᖃᕐᓂᕐᒧ ᐱᓕᕆᐊᒃᓴᖅ ᐊᖏᒡᓕᒋᐊᖅᓯᒪᔪᖅ ᐅᖓᑖᓄ ᐊᕐᕌᒍᑕᒫᒃᑯ ᐊᑐᖅᑕᐅᕙᒃᑐᒥ ᐃᖅ?ᓇᐃᔭᒃᓴᓂ ᑕᑯᒃᓴᐅᑎᑦᑎᓂᕐᒥ. ᐊᕐᕌᒍ ᐊᓂᒍᖅᑑᓚᐅᖅᑐᒥ, ᐋᕿᒃᓱᐃᔩ ᑐᓂᓯᓚᐅᖅᑐᑦ ᐱᓕᕆᐊᒃᓴᓂ ᑐᕌᖅᑐᒧ ᑭᕙᓪᓕᕐᒥ ᓄᓇᓕᖕᓄ ᑕᐃᒪᓐᓇ ᓇᖕᒥᓂᓖ ᐃᓚᐅᔪᓐᓇᖁᓪᓗᒋ ᓄᓇᒥᑕ ᖃᓂᒋᔮᓂ. “ᐅᐸᒃᓯᒪᔪᒍ ᓄᓇᓕᓕᒫ ᑭᕙᓪᓕᕐᒥ ᐊᑕᐅᓯᐊᓪᓗᐊᖅᖢᒍ,” ᐅᖃᖅᐳᖅ. ᐃᓚᒋᓐᓄ ᓄᓇᓕᖕᓄ ᐅᐸᒃᓯᒪᓪᓗᑕ ᒪᕐᕈᐃᖅᖢᒍ ᐅᕝᕙᓘ]ᕝᕙ ᐱᖓᓱᐃᖅᖢᒍ.” ᑲᑐᔾᔨᖃᑎᒌᒃ ᐃᓚᒋᔭᐅᓕᖅᓯᒪᖕᒥᔪ ᐊᕐᕌᒍᑦᑎᓐᓂ ᐱᖃᑎᖃᖅᖢᑕ ᐃᓕᑕᖅᓯᓂᖅ, ᑕᐃᔭᐅᓂᑯ ᓄᓇᕗᑦ ᐅᖃᐅᓯᐊᓄ ᑲᑎᒪᔩ, ᐃᑲᔪᖅᑐᑦ ᑐᓂᓯᓪᓗᑎᒃ ᓇᖕᒥᓂᖃᖅᑐᓄ ᐱᓕᕆᐊᒃᓴ ᐊᒻᒪᓗ ᑎᑎᕋᐅᔭᖅᑎᓄ ᐱᓕᒻᒪᒃᓴᐃᔾᔪᑎ ᐃᓕᓐᓂᐊᕈᑎᑦ. ᐃᓚᒌᒍᑎ ᐃᑲᔪᕐᓂᐊᖅᑐᖅ ᑎᑎᕋᐅᔭᖅᑎᓂ ᑕᐃᒃᑯᓄᖓ ᐃᓚᐅᔪᓄ ᐃᖅᑲᓇᐃᔮᕐᒥ ᑕᑯᒃᓴᐅᑎᑦᑎᓂᖅᑕᖃᓕᖅᐸᑦ ᓂᐅᕈᑎᒃᓴᖃᕈᓐᓇᕐᓗᑎᒃ ᐱᓕᕆᐊᕐᒥᓂ ᐊᒻᒪᓗ ᐱᕙᓪᓕᐊᔾᔪᑎ ᓇᖕᒥᓂᒧ ᐊᒻᒪᓗ ᓂᐅᕈᑎᖃᕋᓱᐊᕐᓂᕐᒧ ᐱᔪᓐᓇᐅᑎᒃᓴᒧ. ᐊᕐᕌᒍᑦᑎᓐᓂ ᐅᖃᓪᓚᒃᑎᐅᓂᐊᖅᑐᑦ ᐃᓚᖃᖅᑐ ᑲᓇᑕᒥ ᐅᑭᐅᖅᑕᑐᐊᓂ ᑭᒡᒐᖅᑐᐃᔨ ᕗᔨᓂᐊ ᒧᕈᓐ, ᓄᓇᕗᑦ ᓯᓇᑕ ᓇᓐᓯ ᖃᕆᑕᖅ−ᓕᓐᑎᐅ, ᐊᒻᒪᓗ ᓄᓇᕗᑦ ᑐᙵᕕᒃᑯ ᐊᖓᔪᖅᑳᖓ ᑯᓗᕆᔭ ᐅᓗᖅᓯ. ᐅᖃᓪᓚᒃᑎᑦ ᐅᖃᐅᓯᒃᓴᖓ ᑐᕌᕐᓂᐊᖅᑐ ᓈᒪᖕᓂ ᓄᓇᓕᖕᓂ, ᓇᖕᒥᓂᖃᖅᑐᓂ, ᐊᒻᒪᓗ ᑎᒥᐅᔪᓂ ᐃᓚᐅᔪ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔩ. ᑲᓇᓕ ᐅᖃᖅᖢᓂ ᐃᖅᑲᓇᐃᔮᓂ ᑕᑯᒃᓴᐅᑎᑦᑎᓂᖅ ᑲᔪᓯᔪᖅ ᐆᒃᑐᕋᕐᓗᒍ ᐊᓂᒍᐃᓂᐅᔪ ᑲᑐᔾᔨᔪᓄ ᓴᖅᑭᑎᕙᒃᑐᖅ. “ᐊᕐᕌᒍᑕᒫ ᑕᑯᕙᒃᑐᒍ ᑐᓴᒐᒃᓴᓂ, ᐊᖏᖃᑎᒌᒃᑐᓂ ᐊᒻᒪᓗ ᑕᓯᐅᖅᑎᐅᓕᖅᑐᓂ,” ᐅᖃᖅᐳᖅ. “ᐊᓂᒍᐃᓂᖅ ᑕᑯᓐᓇᖅᖢᓂ ᐱᓕᕆᔪᓂ ᐊᒻᒪᓗ ᑭᓱ ᖃᐃᕙᓪᓕᐊᖕᒪᖔᑦ ᑭᖑᓂᐊᓂ − ᓄᑖ ᓇᖕᒥᓂᐅᔪ ᓴᖅᑭᑉᐸᓪᓕᐊᔪ ᐊᒻᒪᓗ ᐱᕙᓪᓕᐊᓂᕐᒧ ᑐᑭᒧᐊᕈᑎ.” ᓴᖅᑭᔮᖅᑎᑕᐅᔪ ᐃᓂᒃᓴᓕᐅᖅᑕᐅᕗ ᑕᑕᑎᕆᓯᒪᔪᓄ ᐃᓚᐅᔪᒪᔪ, ᐅᓄᖅᑐᓪᓗ ᐱᓕᕆᐊᒃᓴᑦ − ᐃᓚᖃᖅᖢᓂ ᑎᑎᕋᐅᔭᖅᑎᓄ ᓂᐅᕈᑎᖃᕐᕕ, ᐊᓐᓄᕌᓂᒃ ᑕᑯᖅᑯᔾᔨᓂᖅ, ᓄᓇᓕᖕᒥ ᐱᙳᐊᕈᓘᔭᖅᑐᑦ ᐅᓐᓄᐊᓂ ᐊᒻᒪᓗ ᐃᖏᑲᑕᒃᑐᖃᖅᖢᓂ − ᐅᒃᑯᐃᖓᓛᖅᑐᖅ ᑭᓇᓕᒫᒧ.