ᓇᐅᔮᓂ ᓯᕿᓂᕐᒧ ᐃᑯᒻᒪᖅᑯᑎᓕᐅᕈᑎ ᐱᓕᕆᐊᒃᓴ ᓂᕆᐅᒋᔭᐅᔪᖅ ᐅᖅᓱᐊᓗᖕᒥ ᐊᑐᕈᓐᓃᕐᓗᓂ 400,000 ᓕᑕᒥ ᐊᕐᕌᒍᑕᒫᖅ

Published 10:01 am Sunday, September 27, 2026 ᓄᑖᖅ ᐃᓄᖕᓄ−ᑲᒪᒋᔭᐅᔪᖅ ᓯᕿᓂᕐᒧ ᐃᑯᒻᒪᖁᑎᓕᐅᕈᑎ ᐊᒻᒪᓗ ᐸᑕᓖᑯᕕᓕᒃ ᐱᓕᕆᐊᒃᓴᖅ ᓂᕆᐅᒋᔭᐅᔪᖅ ᑕᐃᓗᒍ 30 ᐳᓴᑦ ᓇᐅᔮᓂ ᐊᕐᕌᒍᑕᒫᖅ ᐃᑯᒻᒪᖁᑎᖃᖅᑎᑎᓗᓂ ᐊᒻᒪᓗ ᐊᑐᓗᐊᖏᑎᑦᑎᓗᓂ ᓄᓇᓕᖕᒥ ᐊᑐᖅᑕᓂ ᐅᒥᐊᕐᔪᐊᒃᑯ ᐅᓯᔭᐅᕙᒃᑐᒥ ᐅᖅᓱᐊᓗᖕᒥ. ᓄᓇᓕᒥ ᑐᑭᒧᐊᖅᑎᑦᑎᔨ, ᐃᓐᓇᑐᖃᑦ, ᒐᕙᒪᒃᑯᓪᓗ ᑲᑎᒪᔨᖏ ᐊᒻᒪᓗ ᐱᓕᕆᐊᒃᓴᓕᓄ ᑕᓯᐅᖅᑎᖏ ᑲᑎᓚᐅᖅᑐ ᓇᐅᔮᓂ ᓯᑎᐱᕆ 16 ᖁᕕᐊᓱᖃᑎᖃᕆᐊᖅᑐᖅᑐ ᐱᐊᓂᒃᑕᐅᓵᖅᑐᖅ ᐊᑭᓕ $18.5 ᒥᓕᐊᓐᒥᒃ ᐃᑲᔫᑦ ᓯᕿᓂᕐᒧ ᐃᑯᒻᒪᖁᑎᓕᐅᕈᑎ ᐊᒻᒪᓗ ᐸᑕᓖᒃᑯᕕᖕᒧ ᐱᓕᕆᐊᒃᓴᖅ. ᑐᕌᖅᑕᐅᔪᖅ ᐱᒋᐊᓚᐅᖅᓯᒪᔪᖅ ᐃᑯᒻᒪᖁᑎᖃᖅᑎᑦᑎᓪᓗᓂ ᓇᐅᔮᓂ ᐃᑯᒻᒪᖁᑎᓕᐅᕐᕕᐊᓂ ᐊᒎᓯ 20. ᓯᕗᓪᓕᖅᐸᐅᔪᖅ ᐱᓕᕆᐊᒃᓴᖅ ᐱᐊᓂᒃᑕᐅᔪᑯᑎᒎᓇ ᖁᓪᓕᖅ ᐃᑯᒻᒪᖁᑎᓕᕆᔨ ᑯᐊᐳᕇᓴᒃᑯᑎᒍ ᓇᖕᒥᓂᖅ ᐃᑯᒻᒪᖅᖁᑎᖃᖅᑎᑎᓂᕐᒧ ᐱᓕᕆᐊᒃᓴᖅ, ᐊᒻᒪᓗ ᓴᖅᑭᑕᐅᔭᕆᐅᓚᐅᖅᑐᖅ ᑕᐃᑰᓇ ᐱᓕᕆᐊᒃᓴᖓᒍ ᐱᒋᐊᕐᓗᑎᒃ ᓂᐅᕈᑎᖃᕐᓂᖅ ᐃᑯᒻᒪᖁᑎᒥ ᑯᐊᐳᕆᓴᒃᑯᓐᓄ. ᐃᑲᔫᑦ ᐃᓚᖃᖅᑐᖅ 1.4−ᓴᙱᓂᖓ ᓯᕿᓂᒃᑯᑦ ᐊᑐᖅᖢᓂ, ᐃᓗᓕᓕ ᑕᐃᓗᒍ 2,500 ᐃᑯᒻᒪᖅᑯᑎᓕᐅᓲᑦ, ᓱᒃᑲᑎᒋᔪᒥ ᐊᑕᐅᓯᓪᓗᐊᖅ−ᓴᖏᓂᖓ−ᐃᑲᕐᕋᑕᒫᖅ ᐊᑕᓖᑯᕕᖕᒧ. ᐊᑕᐅᑦᑎᒃᑯ, ᐃᓂᖓ ᓂᕆᐅᒋᔭᐅᔪᖅ ᐃᑯᒻᒪᖁᑎᓕᐅᕐᓗᓂ ᑕᐃᓗᒍ 1.6 ᓴᖏᓂᐊᑕ ᓴᖏᕿᐊᕐᔪᒃᑖᓂ ᐃᑲᕐᕋᑕᒫ ᐃᑯᒻᒪᖁᑎᓕᐅᕐᓂᖓ ᐊᕐᕌᒍᑕᒫᖅ, ᑕᐃᒪᓐᓇᓪᓗᐊᕕᒃ ᓇᓗᒧᐊᑕ ᐊᕐᕌᒍᑕᒫᖅ ᐊᑐᖅᑐᒧ ᐃᑯᒻᒪᖁᑎᒥ ᐊᒃᑐᐃᓪᓗᓂ 133 ᐊᖏᕐᕋᓂ. ᐱᓕᕆᐊᒃᓴᖅ ᑕᐅᑐᙳᐊᖅᑕᐅᔪᖅ ᐃᓇᙲᓗᓂ ᑕᐃᓗᒍ 400,000 ᓕᑕᒥ ᐅᖅᓱᐊᓗᒃ ᐅᒥᐊᕐᔪᐊᒃᑯ ᑎᑭᓴᖅᑕᐅᓲ ᐊᕐᕌᒍᑕᒫ. ᑕᒪᓐᓇ ᓂᕆᐅᒋᔭᐅᔪᖅ 25-ᒥ 30-ᒧᓪᓘᓐᓃᑦ ᐊᕐᕌᒍᓄ ᐃᖏᕐᕋᓗᓂ, ᐆᒃᑐᖅᑕᐅᓪᓗᓂ ᐊᑐᔾᔮᖏᑦᑐᖅ 30,000 ᑕᓐᔅ ᐅᖅᓱᑉ ᑎᐃᐊᓂ−ᓴᓗᒧᐊᑕ ᐅᖅᓱᐊᓗᒃᓴᓕᐅᖅᑐᒃᑯᑦ. “ᐱᐊᓂᒃᑕᐅᔭᓂ ᐃᑲᔫᑦ ᐱᓕᕆᐊᒃᓴᐅᑉ ᐱᒃᑯᓇᑦᑎᐊᖅᑐᖅ ᐊᑐᖅᑕᐅᔭᕆᐅᖅᑕᖓ ᓄᓇᐅᔮᓂ ᐊᒻᒪᓗ ᐊᑐᖅᑕᐅᔭᕆᐅᖅᓂᖓᑕ ᐃᑯᒻᒪᖅᑯᑎᓕᐅᕐᓂᖅ ᓄᓇᓄᒻᒥ,” ᐅᖃᖅᐳᖅ ᑯᐃᓐ Hᐃᓕ ᐊᑭᐊᒍᒃ, ᒥᓂᔅᑕ ᐱᓕᕆᐊᒃᓴᓕᒃ ᖁᓪᓕᖅ ᐃᑯᒻᒪᖁᑎᕆᔨᒃᑯ ᑯᐊᐳᕆᓵᓂ. “ᑕᑯᑎᑦᑎᔪᖅ ᐃᓂᐊᑕ ᐃᑲᔪᖅᑎᒌᒃᑕ − ᐃᓱᒪᓕ ᐃᑲᔪᖃᑎᒌᖕᓂᖅ − ᑕᐃᒃᑯᑎᒎᓇ ᐃᓄᐃᑦ ᑐᑭᒧᐊᖅᑕᖓᒍ, ᓄᓇᓕᖕᓂ ᑕᓯᐅᖃᑎᖃᕐᓂᖅ ᐊᒻᒪᓗ ᐱᔪᒪᓂᖏᑕ ᐃᑯᒻᒪᖁᑎᒥ ᐊᑦᑕᕐᓇᐃᖅᓯᓂᖅ.” Hᐃᓕ ᐊᑭᐊᒍᒃ ᐅᖃᖅᖢᓂ ᐊᑐᓗᐊᖏᓐᓂᖅ ᓄᓇᕗᒻᒥ ᐊᑐᖅᑕᓂ ᐅᖅᓱᐊᓗᖕᒥ ᐱᒻᒪᕆᐅᒐᒥ, ᑭᓯᐊᓂᓕᑦᑕᐅ ᖃᓄᐃᖏᒃᑲᓗᐊᕐᒪᖔ ᓄᓇᓕ ᐊᔾᔨᒥᒍᓱᒡᓗᑎᒃ ᖃᓄᖅ ᑕᒪᓐᓇ ᐃᖏᕐᕋᖕᒪᖔᑦ. “ᐱᒻᒪᕆᐅᑎᓪᓗᒍ ᐊᑐᓗᐊᖅᑕᐃᓕᒪᓂᖅ ᐊᑐᓕᒪᒡᓗᒍ ᐅᒥᐊᕐᔪᒃᑯ ᐅᖅᓱᐊᓗᒃᑖᕐᓂᖅ ᑎᑭᐅᑎᔪᓐᓇᖅᐳᒍ ᑕᐃᑯᖓ: ᐊᑐᕐᓗᑎᓗᑎᒍ ᓇᖕᒥᓂᖅ−ᐱᔪᒪᓂᖅ ᑕᑯᒃᓴᐅᑎᓪᓗᒍ, ᑕᐃᒪᓐᓇ ᐃᑯᒻᒪᖁᑎ ᓯᕗᓂᑦᑎᓐᓂ ᐋᕿᒡᓗᒍ ᖃᐅᔨᒪᔭᖓᒍ ᐊᒻᒪᓗ ᐱᔭᕆᐊᖃᖅᑕᖓᒍ ᓄᓇᕗᒻᒥᐅᑦ,” ᒥᓂᔅᑕ ᐅᖃᐳᖅ. ᐱᓕᕆᐊᒃᓴᖅ ᐱᕙᓪᓕᐊᔭᐅᓚᐅᖅᑐᖅ ᐊᒻᒪᓗ ᐋᕿᒃᑕᐅᓪᓗᓂ ᑕᐃᒃᑯᓇᙵ ᑭᕙᓪᓕᖅ ᐊᑐᕈᓐᓇᕐᒥᔪᖅ ᐃᑯᒻᒪᖁᑎ, ᐃᓄᐃᑦ−ᑐᑭᒧᐊᖅᑖ ᑕᓯᐅᖅᖢᑎᒃ ᖃᐃᒃᑯᓇᑎᒎᓇ ᓴᒃᑯ ᐃᓐᕕᔅᒪᔅ ᑯᐊᐳᕆᓴ ᐊᒻᒪᓗ ᐅᑭᐅᖅᑕᖅᑐᒥ ᐃᑯᒻᒪᖁᑎᓄ. ᓴᒃᑯ ᐱᕙᓕᐊᔪᓕᕆᔨᔨᒻᒪᕆᐅᔪᖅ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᒃ. ᑐᕌᖅᑕᐅᔪᖅ ᓴᖅᑭᓚᐅᖅᑐᖅ ᑕᐃᑲᙵ ᓇᐅᔮᓂ 2020 ᓄᓇᓕᖕᒥ ᐃᑯᒻᒪᖁᑎᓄ ᐸᕐᓇᐃᔾᔪᑎ. ᐱᔨᑦᑎᕋᖅᑎᒃᑯ ᐃᑲᔪᖅᑐᓚᐅᖅᑖ ᑕᒪᓐᓇ ᓄᓇᓕᖕᒥᐅ ᐃᓚᐅᓪᓗᑎᒃ ᐊᒻᒪᓗ ᐃᑲᔪᖅᖢᑎᒃ ᓂᕈᐊᖅᓯᓂᖅ ᐃᓂᐊᓂ, ᐊᑑᑎᖃᓕᖅᑎᑕᐅᒃᑲᓐᓂᖅᖢᓂ ᓄᓇ ᐊᑐᖅᑕᐅᓂᑯ ᐱᔨᑦᑎᕋᖅᑎᒃᑯ ᐊᒃᑕᕐᕕᐊ. ᖁᓪᓕ ᐃᑯᒻᒪᖁᑎᓕᕆᔨ ᑯᐊᐳᕇᓴ (QEC) ᓂᐅᕕᕐᓂᐊᖅᑐ ᐃᑯᒻᒪᖁᑎᓄ ᐊᐅᓚᐅᑎ ᑕᐃᒃᑯᓇᙵ ᐱᓕᕆᐊᒃᓴᓕ ᑕᐃᑯᓈᖅᖢᓂ ᐊᑯᓂ−ᐊᑐᖅᑐᒧ ᐃᑯᒻᒪᖁᑎᓕᕆᓂᖅ ᐊᖏᕈᑎᐊᒍ, ᐊᒻᒪᓗ QEC ᐋᕿᖅᓯᓪᓗᑎᒃ ᐊᖅᑯᑎᐊᓂ ᓇᐅᔮᑉ ᐊᑐᕐᓂᑯᖓᒍ ᐊᖁᑖ. ᐱᓕᕆᐊᒃᓴᐅᑉ ᐸᑕᓖᑯᕕᐊ ᐃᑲᔪᕐᓂᐊᖅᑐᖅ ᐃᖏᕐᕋᑦᑎᐊᖅᑎᓪᓗᒍ ᐊᖅᑯᑖ ᐊᖁᑎᒋᐊᓂᒃᑖᑕ ᐊᒻᒪᓗ ᐱᔪᓐᓇᖅᑎᑦᑎᓗᓂ ᑯᐊᐳᕇᓴ ᐊᑐᓗᐊᖏᓪᓗᓂ ᐅᖅᓱᐊᓗᖕᒥ ᐱᔪᓐᓇᖅᑎᓪᓗᒋ ᓴᙱᔪᒥ ᓯᕿᓂᒃᑯ ᐃᑯᒻᒪᖁᑎᓕᐅᕐᓂᖅ. “ᑲᑎᑎᖢᒍ ᐃᑲᔫᑦ ᓇᐅᔮᑦ ᐅᐊᔭᖃᐅᑎᐊᓄ ᑭᒡᒐᖅᑐᐃᔪᖅ ᐱᒻᕆᐅᔪᒥ ᐊᓪᓗᕆᐊᕐᓂᖅ QEC−ᑯ ᐱᓇᔪᒃᑕᖓᓂ ᐊᑐᕐᓂᖅᓴᐅᓕᖁᓪᓗᒍ ᐊᑐᒐᒃᓴᐅᓂᖅ ᐃᑯᒻᒪᖁᑎᓄ ᓄᓇᕗᒻᒥ ᐃᑯᒻᒪᖁᑎᖏᓐᓄ ᐊᖅᑯᑖᑎᓂᒃ,” ᐅᖃᖅᐳᖅ QEC ᐊᖓᔪᖅᑳᖅ ᐊᒻᒪᓗ CEO ᐅᓂᔅ ᑕᒃᑲᓕᔅ. “ᑕᐃᑰᓇ ᓇᖕᒥᓂᖅᓱᖅᑐ ᐃᑯᒻᒪᖁᑎᓕᐅᖅᑏᓄ ᐱᓕᕆᐊᒃᓴ, ᓴᖅᑭᑦᑎᕙᓪᓕᔪᒍ ᐅᒃᑯᐃᖓᔪᓐᓇᖅᑐᓂ ᐃᓄᐃᑦ ᑎᒥᐅᔪᓄ, ᓄᓇᓖ ᐊᒻᒪᓗ ᐃᑯᒻᒪᖁᑎᓕᐅᕈᓐᓇᖅᑐᓄ ᐱᕙᓪᓕᐊᔪᓕᕆᔨᓄ ᓴᓇᖃᑎᖃᕐᓗᑎ QEC-ᑯᓐᓂ ᐊᑐᓗᐊᖅᑕᐃᓕᒪᓂᖅ ᐅᖅᓱᐊᓗᖕᒥ. ᑕᑲᓕᔅ ᐅᖃᖅᖢᓂ ᓇᐅᔮᓂ ᐱᓕᕆᐊᒃᓴᖅ ᑕᑯᑎᑦᑎᒐᒥ ᖃᓄᖅ ᐃᑯᒻᒪᖁᑎᓕᐅᕈᑎ ᐊᑐᓕᖅᑕᐅᔪᓐᓇᕐᒪᖔᑦ ᓄᓇᓕᖕᒧ ᐊᖁᑎᐊᓄ ᐃᖏᕐᕋᑎᑦᑎᐅ]ᕐᔪᒃᑎᓪᓗᒋ ᐊᑦᑕᕐᓇᖏᑦᑐᒃᑯ ᐊᒻᒪᓗ ᐊᑐᒐᒃᓴᐅᓂᑕ ᐃᑯᒻᒪᖁᑎᓕᐅᕈᑎ ᐊᖅᑯᑖ. ᑕᐃᓗᒍ ᐊᕐᕕᓂᓖ ᐱᖓᓱ 12-ᓄᓪᓘᕝᕙ ᓄᓇᓕᖕᓂ ᐃᖅᑲᓇᐃᔮᒃᓴ ᓴᖅᑭᑕᐅᓚᐅᖅᑐ ᓴᓇᔭᐅᑎᓪᓗᒍ. ᐅᒃᑯᐃᖓᔪ ᐋᕿᖅᑕᐅᑎᐊᖅᓯᒪᔪᒧ ᑲᒪᒋᔭᐅᓂᖓ ᐊᒻᒪ ᐅᐊᔭᓕᕆᔨᓄ ᐱᓕᒻᒪᒃᓴᖅᑕᐅᔾᔪᑎ ᓂᕆᐅᒋᔭᐅᔪ ᑲᔪᓯᓗᓂ ᑕᒪᓐᓇ ᐅᒃᑯᐃᖓᑎᓪᓗᒍ ᐃᖏᕐᕋᓗᓂ. ᑕᐃᕕᑎ ᑲᑯᑦᑎᓐᓂᖅ, ᐊᖓᔪᖅᑳ ᐊᒻᒪᓗ CEO ᓴᒃᑯ ᐃᓐᕕᔅᒥᓐᔅ ᑯᐊᐳᕇᓴ, ᐅᖃᐅᓯᖃᓚᐅᖅᑐ ᐃᑲᔫ ᓇᓪᓕᐅᒃᑯᒫᖑᒐᒥ ᓇᐅᔮᓂ ᐊᒻᒪᓗ ᑕᐅᕗᖓᒃᑲᓐᓂᖅ ᑭᕙᓪᓕᕐᒥ ᓄᓇᓕᖕᓄ. “ᐃᓄᐃᑦ−ᓇᖕᒥᓂᖓ ᑎᒥᐅᔪᖅ, ᓴᒃᑯᒃᑯ ᐱᔪᒃᓯᔪ ᐱᕙᓪᓕᐊᓂᕐᒧ ᐱᓕᕆᐊᒃᓴᓂ ᓴᕿᑎᑦᑎᔪᖅ ᐱᓕᕆᐊᒃᓴᓂ ᓄᓇᓕᖕᓄ ᐊᒻᒪᓗ ᑐᓂᓯᔪᓐᓇᕐᓗᑎ ᓴᖏᓂᖅᓴᒥ ᐊᒻᒪᓗ ᐊᑐᒐᒃᓴᐅᓂᖅᓴᐅᔪᒥ ᓄᓇᕗᒻᒧ,” ᐅᖃᖅᐳᖅ. “ᐃᑲᔫᑦ ᑕᑯᑎᑦᑎᔪᓐᓇᖅᑐᖅ ᐊᓂᒍᐃᑦᑎᐊᖅᑐᒥ ᐃᓄᐃᑦ ᑎᒥᐅᔪᑦ, ᓄᓇᓕᑦ, ᒐᕙᒪᒃᑯᓪᓗ ᐊᒻᒪᓗ ᓴᖅᑭᑎᕆᔩ ᐱᓕᕆᖃᑎᒌᒃᑳᖓᑕ, ᐱᓕᕆᐊᒃᓴᐅᑉ ᐊᑎᐊ ᓂᕈᐊᖅᑕᐅᓚᐅᖅᑐᖅ Hᐊᒻᒪᓚᒃᑯ ᓇᐅᔮᓂ ᑲᑎᒪᔨᖏᓐᓂ. ᑐᑭᓕᒃ “ᐃᑲᔪᕐᓂ, ᐃᑲᔪᖅᓱᕐᓗᒍ ᐅᕝᕙᓘᓃᑦ ᓄᓇᒥᖔᖅᑐᑦ,” ᐃᓄᒃᑎᑐᑦ, ᑕᑯᓗᒍ ᐱᓕᕆᐊᑉ ᐱᔾᔪᑖ ᐊᒻᒪᓗ ᑲᑎᓂᐊᑕ ᓄᓇᓕᖕᒧ. ᐃᓚᖓ ᐱᓕᕆᐊᒃᓴᐅᑉ ᓄᓇᓕ ᐃᖅᑲᐅᒪᐃᓇᐅᔭᕐᓂᐊᖅᑖ, ᑭᕙᓪᓕᖅ ᐊᑐᒐᒃᓴᐅᖕᒥᔪᖅ ᐃᑯᒻᒪᖁᑎᓕᕆᓂᖅ ᑐᓂᓯᓚᐅᕐᒥᔪᖅ ᓄᑕᕋᓄ ᐅᖃᓕᒫᒐᖅ ᐃᑯᒪ ᓇᐅᔮᓂ, ᑕᑯᑎᑦᑎᔪᖅ ᓴᓱᒪᔪᒥ ᐃᑯᒻᒪᖁᑎᓕᕆᓂᕐᒧ ᐅᔾᔨᕈᓱᒃᑎᑦᑎᓂᖅ ᐊᒻᒪᓗ ᐃᑲᔪᖅᑐᐃᓪᓗᓂ ᐃᓄᒃᑎᑐ ᐅᖃᐅᓯᒃᑯ ᐃᓕᑦᑎᔾᔪᑎ. ᐃᓕᓐᓂᐊᖅᑎᑦ ᑐᓂᔭᐅᓚᐅᕐᒥᔪ ᐃᓕᓐᓂᐊᕈᑎᒥ ᐃᑯᒻᒪᖅᑯᑎᓕᕆᕝᕕᖕᒥ. ᑲᒻᐸᓂᐅᔪᖅ ᓇᓗᓇᐃᓚᐅᕐᒥᔪᖅ ᓴᖅᑭᑦᑎᓂᐊᕋᒥ ᐊᕐᕌᒍᑕᒫᖅ ᓄᓇᓕᖕᒧ ᐃᑲᔫᑎ ᐃᑲᔪᖅᓱᐃᔪᖅ ᑲᔪᓯᔪᒃᑯ ᐃᓕᓐᓂᐊᕈᑎᓄ ᐊᒻᒪᓗ ᓄᓇᓕ−ᑐᑭᒧᐊᖅᑖ ᐊᑐᖅᑕᐅᔪᒪᔪ ᓇᐅᔮᓂ. ᒪᓕᒃ ᑕᕋᓯ, ᐃᓱᒪᑕᖅ ᑭᕙᓪᓕᖅ ᐊᑐᒐᒃᓴᐅᖕᒥᔪᖅ ᐃᑯᒻᒪᖅᑯᑎ (KAE) ᐊᒻᒪᓗ ᐊᖓᔪᖅᑳᖅ ᐊᒻᒪᓗ CEO ᐅᑭᐅᖅᑕᖅᑐᒥ ᐃᑯᒻᒪᖅᑯᑎᓕᕿᕆᔨᒻᒪᕆᐊ, ᐅᖃᖅᖢᓂ ᐱᓕᕆᐊᒃᓴᖅ ᐅᒃᑯᐃᖅᑎᑦᑎᕙᒃᑲᒥ ᐱᓕᕆᐊᒃᓴᓂ ᐃᑯᒻᓴᖁᑎᓄ ᐊᑦᑕᓐᓇᐃᒃᑯᑎᒥᒃ ᐊᒻᒪᓗᓄᓇᓕᖕ ᐃᓗᐊᓂ ᐱᕙᒌᔭᐅᔮᕐᔪᒃᑎᓪᓗᒋ ᐊᖅᑯᑎᒧ ᐃᓚᖓᒍ ᓴᓗᒪᔪᒥ−ᐃᑯᒻᒪᖅᑯᑎᓕᕆᓂᕐᒧ ᐱᕙᓪᓕᐊᓂᖅ ᑭᕙᓪᓕᕐᒥ. “KAE ᐱᒃᑯᒍᓱᒃᑐᖅ ᑐᑭᒧᐊᖅᑎᑦᑎᓂᖓᓄ ᓄᓇᕗᒻᒥ ᓴᓗᒪᔪᒥ ᐃᑯᒻᒪᖅᑯᑎᓕᕆᓂᕐᒧ ᓅᑉᐸᓕᐊᔪᒥ,” ᑕᓇᓯ ᐅᖃᖅᐳᖅ. ᐱᓕᕆᐊᒃᓴᖅ ᑐᓂᔭᐅᓚᐅᖅᑐᖅ ᒐᕙᒪᓕᕆᔨᑐᖃᒃᑯᓐᓂ ᐃᑲᔫᑎᒥᒃ ᑕᐃᑰᓇ ᓴᓗᒪᔪᒥ ᐃᑯᒻᒪᖅᑯᑎᓕᕆᓂᖅ ᓄᓇᓕᕋᓛᓄ ᐊᒻᒪᓗ ᖃᖓᑕᓲᒃᑰ ᑭᓯᐊᓂ ᑎᑭᑕᐅᕙᒃᑐ ᓄᓇᓕᑦ ᐱᓕᕆᐊᒃᓴᖅ, ᓄᓇᖃᖅᖄᖅᓯᒪᔪ ᐅᖅᓱᐊᓗᖕᒥ−ᐊᑐᖅᑕᐃᓕᒪᓂᖅ ᐊᑐᖅᑕᐅᔪᒪᔪᖅ ᐊᒻᒪᓗ ᐅᖅᓱᐊᓗᒃᓱᓂᖏᑐᒥ ᑮᓇᐅᔭᓕᐅᕈᑎ. ᓄᓇᕗᑦ ᒐᕙᒪᖓ ᑐᓂᓯᓚᐅᕐᒥᔪᖅ ᐃᑲᔫᑎᒥᒃ.