ᐋᓐᓂᕐᓇᖅᑐᖅ ᓱᓕᓪᓗᓂᓗ ᐱᔪᒃᓯᔪᒥ ᑭᒡᓕᓯᓂᐊᕈᒪᔪ

ᐋᓐᓂᕐᓇᖅᑐᖅ ᓱᓕᓪᓗᓂᓗ ᐱᔪᒃᓯᔪᒥ ᑭᒡᓕᓯᓂᐊᕈᒪᔪ Published 12:23 pm Wednesday, September 30, 2026 ᐊᔪ ᐱᑕ ᓄᓇᕗᒻᒥᐅᓂ ᖃᐅᔨᒪᖁᔨᔪᖅ ᐱᔪᓐᓇᐅᑎᖃᕐᓂᖏᓐᓂ, ᒐᕙᒪᒃᑯ ᓱᒃᑲᐃᒃᑲᓗᐊᖅᑎᓪᓗᒋ ᑲᒪᔭᕆᐊᒃᓴᖅ. ᒪᓕᒐᓕᕆᔨ ᐊᒻᒪᓗ ᑭᒡᒐᖅᑐᐃᔨ ᐅᖃᖅᑐᖅ ᑲᓇᑕᒥ ᐅᓪᓗᐊ ᓱᓕᔪᒥ ᑭᒡᓕᓯᓂᐊᕐᓂᖅ ᓯᑎᐱᕆ 30 ᐃᓱᒪᒋᔭᖃᓇᖅᑐᖅ ᐃᖏᕐᕋᓂᐊᑕ ᐱᒋᐊᕐᓂᐊ ᐃᓅᕝᕕᐊᓂ ᑲᓛᓕᓂ ᐊᒻᒪᓗ ᐊᖏᕐᕋᒥᓂᓗ ᓄᓇᕗᒻᒥ. “ᑕᑯᒋᐊᕈᕕᒋ ᐱᖁᔨᕗᖔᕈᑎ ᑕᐃᒃᑯᑎᒎᓇ ᓱᓕᔪᒥ ᑭᒡᓕᓯᓂᐊᕐᓂᒃᑯ, ᐅᓄᖏᑦᑐᑯᓗ ᑲᒪᒋᔭᐅᓯᒪᕗᑦ. ᐅᓄᖅᑐᑦ ᐃᓕᔭᐅᓯᒪᑐᐃᓐᓇᖅᐳ, ᐊᒻᒪᓗ ᐅᓄᖅᑐᑦ ᐊᓯᖏ ᕿᒥᕐᕈᔭᐅᓯᒪᖏᓚᑦ,” ᐱᑕ ᐅᖃᖅᐳᖅ. ᑮᐅᔭᓕᐅᕋᓱᐊᖏᑦᑐᑦ ᑎᒥᐅᔪ ᓄᓇᖃᖅᖄᖅᓯᒪᔪᓄ ᐅᔾᔨᖅᓱᖅᑎ ᐅᖃᖅᑐᖅ 41 ᐳᓴᑦ ᑕᐃᑲᓂ ᓱᓕᔪᒥ ᑭᒡᓕᓯᓂᐊᕐᓂᖅ ᑲᒥᓯᓇᒃᑯ 94-ᓂ ᑕᐃᓯᓯᒪᕗ ᑲᒪᒋᔭᐅᖁᔭᐅᔪ ᐱᒋᐊᕐᓯᒪᖏᓚᓪᓘᓃᑦ ᐅᕝᕙᓘᓃᑦ ᑭᖑᕙᕆᐊᖅᑕᐅᓯᒪᕗᑦ ᐅᓪᓗᒥᐅᔪᒧ ᐊᒎᓯ 1. ᑭᓯᐊᓂᓕ ᒐᕙᒪᓕᕆᔨᑐᖃᒃᑯ ᐅᖃᖅᑐᑦ ᐱᐊᓂᒃᓯᒪᕗᐅᕝᕙᓘᓃᑦ ᑲᒪᒋᔭᐅᕗ ᑕᒪᐃᓐᓄᑲᓴᖅ ᐱᓕᕆᐊᒃᓴᖏᒍ ᑕᐃᑰᓇ 2015-ᒥ ᐅᓂᒃᑲᐅᓯᓕᐊᒥ ᐱᖁᔨᕗᖔᖅᑕᐅᔪᒃᑯ. “ᓱᔪᒥ ᑎᒍᒻᒥᔪᒪᕗᖓ, ᐊᒻᒪᓗ ᑭᓇᑭᐊᖅ ᑲᒪᖕᒥᓗᓂᑦᑕᐅᖅ ᐅᖃᕈᓐᓇᕐᓗᓂ ᓱᓕᔪᒥ ᐱᓯᒻᒪᓂᖅ. ᑕᐃᒪᐃᑎᓪᓗᒍ ᑭᓇᑭᐊᖅ ᓱᓕᓂᕋᐃᔪᖅ ᐊᒻᒪᓗ ᑭᒡᓕᓯᓂᐊᕐᓗᓂ,” ᐱᑕ ᐅᖃᖅᐳᖅ. ᐆᒃᑐᑎᒋᓗᒍ ᐃᓂᓪᓚᒃᓯᒪᖏᑦᑐᑦ ᓱᓕᔪ, ᐱᑕ ᑎᒃᑯᐊᖅᓯᕗᖅ ᑕᐃᓂᔅ ᒐᕙᒪᖓᓂ ᖃᐅᔨᓴᕐᓂᐅᓚᐅᖅᓯᒪᔪᖅ ᓯᖓᐃᔪᓐᓇᐃᓕᑎᑦᑎᓂᖅ ᐃᓄᐃᑦ ᐊᕐᓇᓂ ᐊᒻᒪᓗ ᓂᕕᐊᖅᓵᓂ ᑲᓛᓕᓂ ᑕᐃᑲᙵ 1960-ᒥ 1990-ᒧ. ᖃᐅᔨᓴᖅᑎ ᐊᖏᖃᑎᖃᖅᓯᒪᓚᐅᖅᓯᒪᖏᖢᑎᒃ ᑭᓱᒥᒃᑭᐊᖅ ᐅᕝᕙᓘᓃᑦ ᐱᓕᕆᐊᕐᒥᓂ ᓱᕋᐃᔪᒥ ᐅᓄᕈᓐᓃᖅᓴᐃᔪᑦ ᐃᓅᓯᓂ, ᐊᒻᒪᓗ ᒫᓐᓇᐅᔪᖅ ᑲᓛᓖ ᑲᒪᕗᑦ ᓱᓕᔪᒥ ᑭᒡᓕᓯᓕᐊᕐᓂᕐᒧ ᐱᒋᐊᕈᑎᒥ. ᑖᒃᑯᓄᖓ ᐃᓄᐃᑦ ᑲᓇᑕᒥ, ᐱᑕ ᐅᖃᐅᓯᖃᖅᖢᓂ ᐊᖅᓵᖅᓯᓂᖅ ᓄᑕᕋᓂ, ᓅᑕᐅᔪ, ᑳᒃᑎᑦᑎᓂᖅ, ᕿᒻᒥᓂ ᑐᖁᕋᐃᔪ, ᐊᒻᒪᓗ ᐅᖃᐅᓯᒥᓂ ᐅᖃᖁᔭᐅᖏᑦᑐᓪᓗ ᐊᒻᒪᓗ ᐃᓕᖅᑯᓯᐊᓂ ᐊᑐᖁᔭᐅᖏᓐᓂᖅ ᐃᓚᒋᔭᐅᓪᓗᑎ ᐋᓐᓂᕐᓇᖅᑐᒥ ᐊᑐᖅᑎᑕᐅᔪ ᓱᓕᓪᓗᓂ ᑲᓇᑕ ᑲᒪᔭᕆᐊᓕ ᑕᒪᑐᒥᖓ. “ᐋᓐᓂᖅᓯᕆᓂᖅ ᐊᒻᒪᓗ ᑯᔭᖕᓂᕐᓗᒃᑐ ᐊᒻᒪᓗ ᑐᖁᕋᐃᔪ ᑖᒃᑯᓂᖓ ᓄᑕᕋᓂᒃ, ᐃᓛᒃ, ᓱᓕᒧᒻᒪᕆᐅᔪ ᑕᒪᒃᑯᐊ. ᑕᐃᒪᐃᓚᐅᖅᓯᒪᔪᖅ, ᐊᒻᒪᓗ ᐋᓐᓂᕐᓇᖅᖢᓂ ᓱᓕᔪᒃᑯ,” ᐱᑕ ᐅᖃᖅᐳᖅ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᑎᓪᓗᒋ. ᑖᓐᓇ ᑲᓇᑕ ᓱᓕ ᐊᑯᓐᓂᖅᓱᖅᐳᖅ ᐊᑐᕐᓗᓂ ᓱᓕᔪᒥ ᑭᒡᓕᓯᓂᐊᕐᓂ, ᐱᑕ ᐅᖃᖅᐳᖅ ᒐᕙᒪ ᐱᒋᐊᕆᐊᖃᕐᒪ. “ᑕᒪᐃᑦᑐᒪᑎᓪᓗᒍ ᑲᓇᑕ, ᐊᒻᒪᓗ ᐊᓪᓚᑐᖃᑦ, ᐊᓪᓚᓪᓗ, ᐊᒻᒪᓗ ᐃᓄᐃᑦ ᐱᔪᒪᓚᐅᕐᒥᔪ. ᐊᑐᓂ ᑖᒃᑯᐊ ᐱᔪᒃᓯᓚᐅᑐᑦ ᑭᒡᓕᓯᓂᐊᕐᓂᖅ, ᐋᕿᒃᓯᓇᓱᒡᓗᑎᒃ ᐊᖅᑯᑎᒥᒃ ᑲᔪᓯᓗᑎᒃ ᑲᒪᒋᓗᓂᐅᒃ ᑭᖑᓂᕕᓂᐊᓂ. ᑕᑯᒐᔪᖏᓚᑎ ᓄᓇᓂ ᑕᐃᒪᐃᑦᑐᓂ ᐊᑐᕐᓂᑯᓂ ᐊᑲᐅᖏᓕᐅᖅᑕᐅᓂᑯᓂ,” ᐅᖃᖅᐳᖅ. ᐱᑕ ᑕᑯᔪᒪᔪᖅ ᖁᒃᓴᓪᓛᓚᓂᑯᓄ ᒪᒥᓴᕐᓂᖅ, ᐋᕿᒋᐊᑦᑎᐊᕐᓗᒍ ᐃᓕᓐᓂᐊᕈᑎ, ᐊᒻᒪᓗ ᐃᒡᓗᓕᕆᓂᖅ ᐃᖏᕐᕋᑦᑎᑕᐅᓕᕐᓗᓂ ᐃᓄᖕᓄ ᐊᒻᒪᓗ ᐃᑲᔪᖅᓱᖅᑕᐅᓗᑎᒃ ᒐᕙᒪᑐᖃᒃᑯᓐᓂ ᐃᓚᒋᓕᖅᑕᐅᓗᓂ ᑭᒡᓕᓯᓂᐊᕐᓂᖅ. ᐃᖃᓗᐃᑦ ᐊᖅᑯᓵᕆᐊᖅ ᓄᓇᕗᒻᒥ ᒪᒥᓴᕐᕕᒃ, ᐃᑲᔪᖅᓱᖅᑕᐅᔪᖅ ᓄᓇᖅᑲᖅᑳᓯᒪᔪᓄ ᐱᔨᒃᑎᕋᕐᑎᒃᑯ ᑲᓇᑕᒥ ᐊᒻᒪᓗ ᐃᖏᕐᕋᑎᑕᐅᓪᓗᓂ ᓄᓇᕗᑦ ᑐᙵᕕᒃᑯᓐᓂ, ᐃᓚᒋᔭᓂ ᒐᕙᒪᑐᖃᒃᑯ ᑕᑕᒥᑦᑕᓂ ᓱᓕᔪᒥ ᑭᒡᓕᓯᓂᐊᕐᓂᖅ ᑲᒥᓯᓇᐅᑉ ᑕᐃᔭᓂ ᐱᒋᐊᕐᓗᓂ. “ᐊᑐᖅᑐᐃᓐᓇᐅᔭᕆᐊᖃᕋᑦᑕ ᐊᖅᑯᑎᐊᑕ ᖁᒃᓴᓪᓚᖕᓂᒃᑯᑯ ᐊᒻᒪᓗ ᖃᐅᔨᓇᓱᒡᓗᑕ ᖃᓄᖅ ᒪᒥᓐᓂᐊᕐᒪᖔᑦ ᑕᒪᑐᒪᙵ? ᖃᓄᖅ ᓄᖃᖅᑎᓐᓂᐊᕋᑦᑎᒍ ᑐᓂᓗᑎᒍ ᓯᕗᓂᒃᓴᑦᑎᓐᓄ? ᖃᓄᖅ ᒪᒥᑦᑐᓐᓇᖅᐱᑕ ᑕᒪᒃᑯᓇᙵ ᐊᔪᕐᓇᖅᑐᖅᓯᐅᕐᓂᑯᑎᒍ?” ᐱᑕ ᐅᖃᖅᐳᖅ. ᑐᒃᓯᐊᕐᕕ ᐱᔨᑦᑎᖅᑕᐅᓪᓗᐊᕐᒪᑕ ᑮᓇᐅᔭᒃᑯ ᐃᑲᔪᕐᓗᑎᒃ ᐱᓕᕆᐊᕆᓚᐅᖅᓯᒪᔭᖓᒍ ᐃᓕᓐᓂᐊᕆᐊᖅᑎᑦᑎᓂᖅ, ᐅᖃᕆᕗᖅ ᐱᑕ. ᐊᖏᖅᓯᒪᓕᖅᑎᓪᓗᑕ ᐋᓐᓂᕐᓇᖅᑐᒥ ᓱᓕᓪᓗᓂ ᐊᒻᒪᓗ ᐃᖅᑲᓇᐃᔭᕐᕕᑎᒍ ᑭᒡᓕᓯᓂᐊᕐᓂᖅ ᐊᖅᑐᑖᒍ, ᐱᑕ ᐅᖃᖅᐳᖅ ᓄᓇᕗᒻᒥᐅ ᐅᖃᖅᑭᓪᓗᐊᖏᒻᒪᑕ ᑐᒃᓯᕋᕐᓂᖅ ᐃᓂᒥᓂ ᑲᓇᑕᒥ. “ᐱᔪᓐᓇᐅᑎᖃᖅᑐᒍ ᑲᓇᑕᒥᐅᑕᐅᓪᓗᑕ, ᓄᓇᖃᖅᑳᖅᖢᑕ ᑲᓇᑕᒥᐅᑕ,” ᐅᖃᖅᐳᖅ. “ᐱᔪᓐᓇᐅᑎᖃᖅᑐᒍ ᑕᐃᑰᓇ ᓄᓇᕗᒻᒥ ᐊᖏᕈᑎᒃᑯ. ᐱᔪᓐᓇᐅᑎᖃᖢᑕ ᓇᐅᒃᑯᑐᐃᓐᓇᖅ, ᑭᓯᐊᓂᓕ ᑲᒪᒋᖏᑯᑦᑎᒍ, ᖃᓄᐃᓕᐅᖅᑐᖃᔾᔮᖏᓚᖅ. ᑕᐃᒪᐃᑦᑕᕆᐊᖃᖅᑐᐃᓐᓇᐅᒐᓗᐊᖅᐳᒍ ᐊᑐᓂ ᐊᒻᒪᓗ ᐊᑕᐅᑦᑎᒃᑯ ᐊᑐᕐᓗᑎᒍ ᐱᔪᓐᓇᐅᑎᕗ. ᑲᓇᑕᒥ ᐅᓪᓗᐊ ᓱᓕᔪᒥ ᑭᒡᓕᓯᓂᐊᕐᓂᖅ ᓴᖅᑭᑕᐅᓚᐅᖅᓯᒪᔪᖅ ᒐᕙᒪᓕᕆᔨᑐᖃᒃᑯᓐᓂ 2021-ᒥ. ᐅᓪᓗᑦᑕᐃᓐᓇᖓᓂ, ᓯᑎᐱᕆ 30, ᖃᐅᔨᒪᔭᐅᖕᒥᔪᖅ ᐊᐅᐸᔮᖅᑐᒥ ᐊᑎᒋᖅᓯᒪᓐᓇᐅ ᐅᓪᓗᐊ ᑕᐃᒪᙵᓂ 2013-ᒥ, ᐅᓄᖅᑐ ᑲᓇᑕᒥᐅ ᐊᑎᒋᖃᖏᑉᐸᑕ ᐊᐅᐸᔮᖅᑐᒥ − ᐃᓚᖏ ᑎᒍᒥᐊᓲ ᑎᑎᖃᓂᒃ ᓲᕐᓗ ‘ᐃᒃᐱᖕᓇᖅᑐᐃᓐᓇᐅᕗ ᑐᑕᕋᑦ,’ − ᐃᓕᓴᖅᓯᐅᒪᔪ ᐱᑦᑎᐊᖅᑕᐅᕙᓚᐅᖏᑐᓂ ᑕᐃᑲᓂ ᐃᓕᓐᓂᐊᕆᐊᖅᐸᒃᑐᕕᓂᕐᓂ.